Alekseı Soı jarylystan zardap shekkenderdiń jaǵdaıyn óz kózimen kórdi
QR Densaýlyq saqtaý mınıstri Alekseı Soı Tarazda bolyp, jarylystan zardap shekkenderdiń jaǵdaıyn kórdi, dep habarlaıdy almaty-akshamy.kz.
Mınıstr qalalyq aýrýhanada bolyp, naýqastar jatqan palatalardy aralady. Mınıstr medısınalyq kómek kórsetýde eshqandaı qıyndyqtyń bolmaıtynyn, qoldan kelgenniń barlyǵy jasalatynyn aıtty. Qazir Taraz qalasyndaǵy aýrýhanada tótenshe jaǵdaı kezinde jaralanǵan 37 adam jatyr. Onyń beseýi – jansaqtaý bóliminde. Eki naýqastyń jaǵdaıyn dárigerler aýyr dep baǵalap otyr.
«Medısınalyq kómekke 98 adam júgindi. Onyń 28-in aýrýhanaǵa jatqyzdyq. Qalǵandaryna jaraqat bóliminde tıisti kómek kórsetildi. Kóbiniń jaǵdaıy turaqty. Qazir aýrýhanada jatqandarǵa kómek barynsha kórsetilip jatyr», - dedi Alekseı Soı.