Búgin, 28 maýsym – Buqaralyq aqparat qyzmetkerleri kúni.
Osy merekege oraı QR Aýyl sharýashylyǵy mınıstri Saparhan Omarov BAQ ókilderin quttyqtady, dep habarlaıdy Almaty-akshamy.kz.
«Búgingi kúni qoǵamdyq komýnıkasıalardyń jańa formattarynyń belsendi paıda bolýyna qaramastan, sizderdiń mamandyqtaryńyz óz mańyzdylyǵyn joǵaltpaı, úlken suranysqa ıe bolyp otyr.
Jańa tehnologıalar men baılanys quraldarynyń damýymen birge kez kelgen aqparat, onyń ishinde shyndyqqa janaspaıtyn, jalǵan, feık aqparattar qoǵamda óte jyldam taralýda. Sondyqtan azamattardyń áleýmettik ál-aýqatynyń artýy men memlekettegi turaqtylyqty saqtaý sizderdiń jýrnalısik kásibı sheberlikterińiz ben aqparat taratýdaǵy jyldamdyqtaryńyzǵa baılanysty.
QR Aýyl sharýashylyǵy mınıstrligi otandyq BAQ ókilderiniń kásibı sheberligin joǵary baǵalap qana qoımaı, olardyń aýyl men eldiń agroónerkásiptik keshenin damytýdaǵy eńbekterin de erekshe atap ótedi. Sizderdiń adal qyzmetterińizdiń arqasynda halyq agroónerkásiptik keshendi damytý jónindegi memlekettik saıasatty, aýyldyq bıznesti órkendetý múmkindikterin, fermerlik sharýashylyqtarǵa kórsetiletin qoldaýlar týraly sapaly aqparatpen saýattanyp otyr dep bilemiz.
Osynaý kásibı merekede sizderge shyǵarmashylyq tabys, shalqar shabyt tileımiz! Tyń ıdeıalar men tabysty jobalaryńyz kóp bolsyn!» -dedi QR Aýyl sharýashylyǵy mınıstri.