Oljas Bektenov Prezıdent júktegen míndetterdí oryndau sheńberínde kólík jelílerín jańǵyrtu jobalaryn uaqtyly íske asyrudy tapsyrdy.
Premer-Mınıstr Oljas Bektenovtíń tóraǵalyǵymen ótken Úkímet otyrysynda elímízdíń kólík-logıstıka salasyn damytu máselelerí qaraldy, dep habarlaıdy aqshamnews.kz.
Kólík vıtse-mınıstrí Maqsat Qalıaqparov Premer-Mınıstrge perspektıvaly ınfraqūrylymdyq jobalar turaly bayandady. 2027 jylǵa deıín Qazaqstanda 1,3 myń shaqyrym jańa temír jol jelísín salu, al 2029 jylǵa deıín 11 myń shaqyrym temír jol uchaskeleríne jóndeu jūmystary josparlanǵan, onyń 2,8 myń shaqyrymynda jūmystar ayaqtaldy.
Būdan basqa, rekordtyq qamtuy 12 myń shaqyrymdy qūraıtyn joldar salu jáne rekonstruktsıyalau jūmystary júrgízílude, onyń 7 myńy bıyl ayaqtalady. Avtokólík tasymaldarynyń tıímdílígín arttyru úshín 2029 jylǵa deıín EAEO íshkí shekarasyndaǵy 36 ótkízu beketín jańǵyrtu josparlanyp otyr.
Kólík mınıstrlígíníń málímetínshe, qabyldanyp jatqan sharalar nátıjesínde temír jol tasymaly boıynsha eksport 130 mln tonnaǵa deıín jetkízíledí, ımport pen tranzıt kólemí tıísínshe 60% jáne 65%-ǵa artady. Avtokólík tasymaldary boıynsha eksport pen ımport 2 esege, tranzıt 6 esege artady dep kútílude.
Premer-mınıstr Oljas Bektenov Kólík mınıstrlígíne josparlanǵan barlyq jobanyń uaqtyly íske asyryluyn qamtamasyz etudí tapsyrdy.