Memleket basshysynyń aýyl sharýashylyǵynyń jalpy ónim kólemin eki esege arttyrý jáne ımportty almastyrý jónindegi tapsyrmasy aıasynda óńirlerde ónerkásiptik sút-taýarly fermalaryn salý jumystary belsendi túrde júrgizilýde, dep habarlaıdy aqshamnews.kz
Aýyl sharýashylyǵy mınıstrligi Aqmola oblysyndaǵy sút-taýarly fermalaryna baspasóz týryn uıymdastyrdy. Shara barysynda BAQ ókilderi jumys istep turǵan «Rodına», «Eńbek» jáne «En-Dala» sharýashylyqtarynyń qyzmetimen tanysty. Jobalar 2023 jyly respýblıkalyq búdjetten bólingen qarajat esebinen Soltústik Qazaqstan oblysynyń tájirıbesin taratý baǵdarlamasy aıasynda qarjylandyryldy.
«Eńbek» sharýashylyǵy eginshilikpen, tuqym sharýashylyǵymen, organıkalyq eginshilikpen, sondaı-aq sút baǵytyndaǵy iri qara mal ósirýmen aınalysady. 2024 jyly «Eńbek» JSHS Qazaqstandaǵy alǵashqy organıkalyq sút-taýarly fermasyn iske qosty. Kásiporyn jylyna 3 myń tonnaǵa deıin sút óndiredi. Joba quny – 8,2 mlrd teńge. Fermaǵa SQO tájirıbesin taratý baǵdarlamasy aıasynda Danıadan 269 golshtın tuqymdy iri qara mal ákelindi (jalpy 900 bas).
Fermada jasandy ıntellektpen jabdyqtalǵan tórt dońaı robot ornatylǵan, árqaısysy kúnine 65 basqa deıin saýýǵa arnalǵan.
Jýrnalıserge robottandyrýdyń artyqshylyqtary týraly aıtyldy: adamı faktordy azaıtý, qol eńbegin qysqartý, adammen tikeleı baılanystyń bolmaýy – bul janýarlardyń kúızeliske ushyraý deńgeıin tómendetip, sút sapasyn jaqsartady jáne ónimdilikti arttyrady.
2025 jyly taǵy eki qora men 8 robotty iske qosý josparlanyp otyr. Tolyq qýatqa shyǵý sol jyly kútilýde. Bolashaqta tereń óńdeý men organıkalyq irimshik óndirisin iske qosý kózdelýde.
Selınograd aýdanynda ornalasqan «Rodına» agrofırmasy 2025 jyldyń basynda Qazaqstan men Ortalyq Azıada balamasy joq robottandyrylǵan saýý sehyn iske qosty. Saýý karýseli 5 saǵatta 2 000 basqa deıin maldy qamtı alady, bir mezette 80 basty syıǵyzady. Joǵary deńgeıdegi avtomattandyrýdyń arqasynda prosesti 12 adamnan turatyn bir aýysym atqara alady.
- Saýý zaly janýarlar men personalǵa jaılylyqty qamtamasyz etetin ınovasıalyq tehnologıalarmen jabdyqtalǵan. Joba aıasynda ferma 1 132 basqa deıin keńeıtilip, 850 basqa arnalǵan buzaý qora salyndy.
- Agrofırma ókilderiniń aıtýynsha, ınvestısıalyq jobany iske asyrý jalpy sút óndirisiniń kólemin 34,5 myń tonnadan 40 myń tonnaǵa deıin ulǵaıtýǵa jáne eńbek ónimdiligin 1,5 esege arttyrýǵa múmkindik beredi.
- 2024 jyly «En-Dala» JSHS óńirdegi eń iri 2 000 basqa arnalǵan sút-taýarly fermasyn iske qosty. Joba quny – 11,5 mlrd teńge. Sharýashylyqta 1 989 iri qara men 900 jylqy bar.
2024 jyly kásiporyn DeLaval kompanıasynyń zamanaýı jabdyqtaryn engizdi: 50 oryndyq saýý karýseli, TSR roboty, CWC salqyndatqyshy, «Shyrsha» (2h5) saýý zaly, sondaı-aq janýarlardy salqyndatylǵan shatyrly jaılarda ustaýǵa arnalǵan ǵımarattar.
Ferma táýligine shamamen 30 tonna shıki sút óndiredi. 2025 jyldyń sońyna deıin bul kórsetkishti 50 tonnaǵa deıin arttyrý josparlanyp otyr.
Jalpy, 2023 jyly SQO tájirıbesin taratý baǵdarlamasy boıynsha Qazaqstanda 69 sút-taýarly fermasynyń qurylysy qarjylandyryldy. Onyń ishinde jalpy qýattylyǵy 270 myń tonnadan asatyn 40 ferma paıdalanýǵa berildi. Taǵy 29 fermany 2025 jyly iske qosý kózdelýde, olardyń qýattylyǵy shamamen 100 myń tonnany quraıdy.
Qazirgi ýaqytta baǵdarlama aıasynda qosymsha 12 STF qarjylandyrylyp, taǵy 4-eýin qarjylandyrý josparlanǵan. 2025 jyldyń sońyna deıin olardyń segizin iske qosý josparlanyp otyr, olardyń óndiristik kólemi – 37 myń tonna.
Sonymen qatar, 2025 jyly osy baǵdarlama boıynsha taǵy 25 jańa STF salý jáne 7 fermanyń óndiristik qýatyn keńeıtý kózdelgen. Jalpy 32 fermanyń jıyntyq qýaty – 160 myń tonna.
Osylaısha, jalpy qýattylyǵy jylyna 600 myń tonnadan asatyn 110 ónerkásiptik sút-taýarly fermasyn salý jáne keńeıtý elimizdiń ishki qajettiligin tolyq qamtamasyz etýge jáne sút ónimderi boıynsha ımportqa táýeldilikti aıtarlyqtaı tómendetýge múmkindik beredi.