Qazaqstanda 2019 jyldan bastap Úkimet qaýlysymen 28 maýsym – Buqaralyq aqparat quraldary qyzmetkerleriniń tól merekesi bolyp bekitilgen.
QR Aqparat jáne qoǵamdyq damý mınıstri Aıda Balaeva tilshiler qaýymyn 28 maýsym kúni atap ótiletin Buqaralyq aqparat quraldary qyzmetkerleriniń merekesimen quttyqtady, dep habarlaıdy Almaty-akshamy.kz.
«Qurmetti áriptester, barshańyzdy kásibı merekelerińizben shyn júrekten quttyqtaımyn! Bul - tek qana qalam ustaǵan jýrnalıserdiń ǵana emes, aqparat salasynda júrgen barlyq qyzmetkerge ortaq meıram. Buqaralyq aqparat quraldary - memleket saıasatynyń mańyzdy baǵyttarynyń biri. Sebebi medıa tek resmı aqparat taratýdyń quraly emes, ol – ulttyq qaýipsizdik pen ıdeologıanyń da ózegi. Memleket saıasatyn túsindirýge, halyq pen bılik arasyn jalǵaıtyn altyn kópir. Sondyqtan jýrnalıserdiń qoǵam aldyndaǵy azamattyq jáne áleýmettik jaýapkershiliki óte joǵary», - dedi mınıstr.
Sondaı-aq vedomstvo basshysy Táýelsizdiktiń 30 jyly ishinde ulttyq medıa elimizben birge jańarý men damýdyń bıik belesterinen ótkenin atap ótti. «Aqparat salasynyń memlekettik basqarý prosesine yqpaly artyp keledi. Baspasózde saýatty kóterilgen máseleler memleket sapasyn kóterýge septigin tıgizip júr. Prezıdentimizdiń «halyq únine qulaq asatyn» qaǵıdasynyń nátıjeli iske asýynda da jýrnalıserdiń úlesi zor. Árbir jýrnalısiń búgingi kúndelikti eńbegi arqyly memleketimizdiń erteńgi tarıhy jazylyp jatyr. Sondyqtan aqparat salasyn jańa deńgeıge kóterip, bıik talǵamdy qalyptastyrýdaǵy eńbekterińiz jana bersin. Denderińizge saýlyq, otbasylaryńyzǵa amandyq, shyǵarmashylyq shalqar shabyt pen tolaıym tabys tileımin!» - dedi Aıda Balaeva.