TJM jýrnalıser arasynda órt sóndirý kásibindegi eń myqtyny anyqtady
Buqaralyq aqparat quraldary qyzmetkerleri kúnin merekeleý qarsańynda Nur-Sultan qalasynyń № 6 mamandandyrylǵan órt sóndirý bóliminiń aýmaǵynda jýrnalıser arasynda órt sóndirý-qutqarý kvesti uıymdastyryldy, dep habarlady Almaty-akshamy.kz. QR TJM jarıalaǵan aqparatqa silteme jasap.
İs-sharany Tótenshe jaǵdaılar mınıstri Iýrıı Ilın ashty. Mınıstr qazirgi qoǵamdaǵy BAQ-tyń rólin joǵary baǵalap, mass-medıanyń qoǵamǵa, azamattyq qorǵaý organdarynyń ımıjine yqpalyn atap ótti.
«Sizder tabıǵı apattardyń epıortalyǵynda bolyp turasyzdar. Sizderdiń eńbekterińizdiń arqasynda elimizdiń azamattary qutqarýshylar men órt sóndirýshilerdiń qyzmeti týraly biledi, sizderdiń jumystaryńyz qarapaıym azamattarǵa tótenshe jaǵdaıǵa daıyn bolýǵa múmkindik beredi», - dedi TJM basshysy Iýrıı Ilın baspasóz ókilderiniń aldynda sóılegen sózinde.
«Qazaqstan», «Atameken business», «Eýrazıa» birinshi arnasy, «31 arna», «KTK» telearnalarynyń, «Tengrinews», «Kazinform» aqparattyq agenttikteriniń ókilderi QR Tótenshe jaǵdaılar mınıstrligi uıymdastyrǵan jarystarǵa qatysty.
Birneshe saǵat boıy olar órt sóndirýshiler rólinde ózderin tolyq sezine aldy. Órt sóndirýshiler naqty jaǵdaılarda betpe-bet keletin kúrdeli mindetterdi oryndaı otyryp, órt sóndirýshi men qutqarýshy mamandyǵynyń qanshalyqty kúrdeli jáne qaýipti ekenin sezindi.
Kvest bastalar aldynda órt sóndirýshiler nusqaýlyq ótkizdi.
Komandalardyń aldynda tútin kamerasynan ótý, kedergiler jolaǵynan ótý, zardap shekken adamdy tabý jáne qutqarý, órt sóndirý oqpanymen jumys isteý jáne zardap shekken adamǵa medısınalyq kómek kórsetý mindeti turdy.
Kvest qorytyndysy boıynsha, «Atameken business» telearnasynyń komandasy birinshi oryndy, «Kazinform» aqparattyq agenttiginiń jýrnalıseri ekinshi oryndy, «Eýrazıa» birinshi arnasy» telearnasynyń qyzmetkerleri úshinshi oryndy ıelendi.
Jarystyń júldegerleri men qatysýshylary estelik syılyqtarmen jáne dıplomdarmen marapattaldy.
