Aǵymdaǵy jyldyń 19-21 sáýirinde Qazaqstan Respýblıkasyndaǵy Adam quqyqtary jónindegi ýákil Artýr Lastaevtyń Almaty qalasyna jumys sapary ótedi.
Resmı sapar barysynda 19 sáýirde Qazaqstan ombýdsmany Artýr Lastaev Almaty qalasy boıynsha ýákildiń ókili Q. Maldybaevpen birlesip ákimdik ókilderimen, qala prokýrory B.Jýırıktaevpen, polısıa departamentiniń bastyqtary A. Zapparovpen jáne QAJ departamentiniń bastyǵy A. Qaıyrbekovpen kezdesý ótkizedi, dep habarlaıdy Almaty-akshamy.kz
Sol kúni A. Lastaevtyń QR-daǵy bala quqyqtary jónindegi ýákil A. Saınmen jumys kezdesýi ótedi, onda yntymaqtastyq týraly Memorandýmǵa qol qoıý kózdeledi.
Sondaı-aq, Almaty qalasy boıynsha QAJD №11 mekemesine barý kútilýde, onyń barysynda A.Lastaev kámeletke tolmaǵan sottalǵandarǵa jeke qabyldaýyn ótkizedi.
19 sáýirde saǵat 15:00-den 18:00-ge deıin ýákiletti A. Lastaev qala turǵyndary úshin +7 775 515 86 95 nómirine habarlasý arqyly aldyn ala jazylý boıynsha Dostyq dańǵyly, 134, kab. 401 mekenjaıy boıynsha azamattarǵa jeke qabyldaýyn ótkizedi..
21 sáýirde ombýdsmen ulttyq aldyn alý tetiginiń qatysýshylarymen sottalǵandardy tıisti quqyqtyq qorǵaý jónindegi jumysty, onyń ishinde psıhologıalyq, pedagogıkalyq jáne medısınalyq qoldaý jáne azaptaýdyń aldyn alý jónindegi qyzmettiń is-qımyldaryn kúsheıtý jónindegi odan ári is-qımyl josparyn talqylaıdy.
Budan basqa, ýákil Almaty qalasynyń úkimettik emes uıymdarymen (ÚEU) adam quqyqtary men bostandyqtary salasyndaǵy quqyqtyq aǵartý, quqyq qorǵaý uıymdarynyń qyzmetin úılestirý men qoldaý deńgeıin arttyrý qajettiligi, bilim berý baǵdarlamalaryn ázirleýdegi jáne halyqtyń bilim deńgeıin arttyrýdaǵy yntymaqtastyq perspektıvalary, birinshi kezekte turǵyndardyń jastar bóligin qamtıtyn quqyqtyq aǵartýdyń tutas júıesin qurý týraly kezdesý ótkizýdi josparlap otyr.
Kún tártibinde - A.Lastaevtyń «Jan-saıa daǵdarys ortalyǵy» KMM-ne barýy, «Daǵdarys ortalyqtary odaǵy» basshysy Z. Baısaqovamen kezdesýi. Sondaı-aq qıyn ómirlik jaǵdaıǵa tap bolǵan adamdardy qabyldaý ótkiziledi.