Kóbinese QQS mólsherlemesiniń ósýi baǵanyń kúrt qymbattaýyna áser etedi. Biraq elimizde olaı bolýy múmkin be? Jaýap: tutynýshylar úshin baǵanyń aıtarlyqtaı ósý qaýpi mınımaldy. Sebebin túsindireıik.
QQS shegin tómendetý baǵanyń ósýin teńestirýge kómektesedi
QQS tóleýshi kompanıalar ózderi sıaqty basqa QQS tóleýshilermen jumys isteýdi kózdeıdi, óıtkeni bul olarǵa búdjetke tólenetin salyq somasyn azaıtýǵa múmkindik beredi. Eger QQS tóleýshi kompanıa basqa QQS tóleýshiden taýar nemese qyzmet satyp alsa, ol tólengen QQS-yn esepke ala alady, nátıjesinde onyń salyqtyq júktemesi azaıady. Osylaısha QQS tóleýshiler arasyndaǵy júktemeniń bólinýi baǵaǵa degen qysymdy azaıtady.
Eńbekaqy qoryna túsetin júktemeni azaıtý arqyly teńgerim saqtalady
Úkimet QQS mólsherlemesiniń ósý yqpalyn azaıtý úshin eńbekaqy qoryna túsetin júktemeni tómendetýdi josparlap otyr. Bul shamamen taýar baǵasynyń 40%-yn quraıdy. Eńbekaqy qoryna túsetin júktemeniń azaıýy baǵanyń qymbattaý qaýpin tómendetedi.
Aýyl sharýashylyǵy salasyndaǵy salyqtyq jeńildikter saqtalady
Qazir elimizde túrli salalarǵa arnalǵan salyqtyq yntalandyrýlar bar jáne olardyń kóbi ózgerissiz qalady. Máselen, aýyl sharýashylyǵy salasyndaǵy jeńildikter saqtalady, bul otandyq azyq-túlik baǵasynyń qatty qymbattaýyna jol bermeıdi.
Osylaısha QQS mólsherlemesiniń boljamdy ósýiniń áseri jeńildetetin faktorlarmen ótedi, sondyqtan bul jalpy baǵanyń edáýir ósýine áser etpeýi tıis.