Respýblıkanyń barlyq aımaqtarynda egin jınaý naýqany júrip jatyr.
Osy ýaqytqa deıin 11 mln 2 myń tonna astyq bastyryldy. Dándi-daqyldyń ortasha ónimdiligi – gektaryna 12 sentner. Bul týraly Aýyl sharýashylyǵy vıse-mınıstri Ábilqaıyr Tamabek aıtty. Bıyl aýyl sharýashylyǵy daqyldaryn jınaý alańy – 23,4 mln gektar. Onyń ishinde dándi daqyldar alqaby 16 mln gektardan asady. Oraq naýqanyn iske asyrý úshin sharýalarǵa jeńildetilgen baǵada dızel otyny berilip jatyr. Lıtri 203 teńge. Sondaı-aq vıse-mınıstr Qostanaıdaǵy egistik alqaptary boıynsha málimet berdi.
«Qostanaı oblysynda jergilikti ákimdikterdiń málimetine sáıkes, birde-bir aýyl sharýashylyǵy jerleri zardap shekken joq. Anyqtalǵan aqparattyń barlyǵy Tótenshe jaǵdaılar mınıstrligi tarapynan tek qana orman qory jerleri degen aqparat berýde. Eger aýyl sharýashylyǵy egistikteri zardap shegetin bolsa, taýar óndirýshilerge zıan kelse, onda tótenshe jaǵdaı esebinen erteńgi kúni shyǵyndary baǵalanyp, tolyǵymen óteletin bolady», - deıdi QR Aýyl sharýashylyǵy vıse-mınıstri Ábilqaıyr Tamabek.