Qostanaıda taksıden qulap ketken 65 jastaǵy zeınetkerdi kólik basyp ketti, - dep habarlaıdy Aqshamnews.kz tilshisi ng.kz-ke silteme jasap.
Oqıǵa 1 qazanda saǵat 16:42-de Altynsarın men Gogol kósheleriniń qıylysynda boldy.
Beınejazbada taksı burylyp jatqanda esigi ashylyp ketip, salonnan jolaýshy áıel qulap túskeni kórinedi. Artynan kele jatqan kólik júrgizýshisi tejep úlgermeı, áıeldi basyp ótken.
Zardap shekken áıel tiri qaldy. Ol qala aýrýhanasyna jetkizildi. Dárigerler onyń jaǵdaıyn ortasha aýyr dep baǵalap otyr, zeınetker esin biledi.
Qostanaı oblystyq Polısıa departamentiniń baspasóz qyzmeti jol apaty boıynsha ákimshilik is qozǵalǵanyn málimdedi. Jınalǵan materıaldar sotqa joldanbaq. Al taksı júrgizýshisi jolaýshy tasymaldaý erejesin buzǵany úshin jaýapqa tartyldy.