Baza ıesi 306-baptyń 2-bóliginiń 1-tarmaǵy boıynsha kináli dep tanyldy
Qostanaıda "Radýga" demalys bazasynda aıý balaǵa shabýyl jasady. Sot baza ıesin kináli dep tapty, dep habarlaıdy Almaty-akshamy.kz kstnews.kz-ke silteme jasap.
Ótken jyldyń 5 qyrkúıeginde baza aýmaǵynda turatyn aıý 5 jasar qyzǵa shabýyl jasaǵan. Bala aýyr jaraqat aldy, ómirlik kórsetkishteri boıynsha oń aıaǵyn kesýge týra keldi.
Basylym málimetinshe, baza ıesi 306-baptyń 2-bóliginiń 1-tarmaǵy boıynsha kináli dep tanyldy.
Jábirlenýshi tarap moraldyq zıandy óteý retinde 25 mıllıon teńge surady. Aleksandr Panın materıaldyq shyǵyndy tolyǵymen tóledi. Moraldyq zıannyń bir bóligi de óteldi - 1,5 mıllıon teńge. Sot Panındi kináli dep tanydy jáne oǵan 500 saǵattyq qoǵamdyq jumystardy taǵaıyndady, biraq raqymshylyq boıynsha ol negizgi jazadan bosatyldy.
Zardap shekkenderdiń talap - aryzyn ishinara qanaǵattandyrdy - aıý ıesi otbasyna 18,5 mıllıon teńge tóleıdi. Bul Qostanaıdyń aýdandyq soty qabyldaǵan sheshim, oblystyq sotta sheshim ózgerissiz qaldy.