Onyń kóbi jaıylym men shabyndyq jerler
Qostanaı oblysynda sońǵy alty jylda 230 myń gektar alqap memleketke qaıtaryldy, dep habarlaıdy Almaty-akshamy.kz «Habar 24» telearnasyna silteme jasap.
Kezinde jurt «egin salyp, mal ósiremin» dep alǵan bul jerler qaraýsyz qalǵan. Onyń kóbi jaıylym men shabyndyq jerler. Mysaly, bir ǵana Amankeldi aýdanynda osyndaı mal ósirýge arnalǵan 86 myń gektar jer memleket menshigine ótken. Odan keıin Meńdiqara, Naýyrzym, Áýlıekól aýdandarynda bos jatqan jerler tárkilendi. Tutastaı alǵanda, aımaqta aýyl sharýashylyǵy maqsatyna paıdalanylatyn jerdiń kólemi 11 mıllıon gektarǵa jýyqtaıdy.
«Endi bizdiń tekseris jumystaryn ótkizgennen keıin qoldanatyn shara - birinshi aıyppul salynady. Sosyn bir jylǵa nusqama beriledi. Bir jyldyń ishinde jer ıesi jerdi tıisti maqsatyna paıdalanýy kerek. Paıdanalanbaǵan jaǵdaıdy bir jyldan keıin memleketke qaıtarylady»,-dedi oblystyq jerdiń paıdalanylýy men qorǵalýyn baqylaý basqarmasynyń bólim basshysy Nurlan Smaǵulov.