Alaıaqtar is-áreketterin respýblıka boıynsha iske asyrǵan
Qazaqstandyqtardy qos alaıaq 17 mln teńgege aldap ketti, dep habarlaıdy Almaty-akshamy.kz Polisia.kz-ke silteme jasap.
Jyl basynan beri Qaraǵandy qalasynyń PB-na ınternet-alaıaqtardyń arbaýyna túsip qalǵan qala turǵyndarynan ótinishter túse bastady. Alaıaqtar aqparattyq júıeni paıdalana otyryp, shaǵyn nesıe uıymdary arqyly 105 myń teńgeden 140 myń teńgege deıin nesıe rásimdep alyp otyrǵan.
Jedel izdestirý is-sharalarynyń barysynda krımınaldyq polısıa qyzmetkerleri kúdiktiler – 26 jastaǵy eki er adamdy anyqtap, ustady. Olardyń barlyǵy da Shymkent qalasynyń turǵyndary. Kúdiktiler bank kartalaryn paıdalanyp, jalpy somasy 17 mıllıon teńgege jýyq materıaldyq shyǵyn keltirgen.
İs-áreketterin respýblıka boıynsha asyrǵan. Polıseıler kúdiktilerdiń ınternettegi alaıaqtyq boıynsha 150 faktige qatysy baryn anyqtaýda. Polıseıler QR Qylmystyq kodeksiniń 190-baby (Alaıaqtyq) boıynsha qylmystyq is qozǵady. Sot qylmyskerlerge qamaýǵa alý túrindegi jaza taǵaıyndady. Qazirgi ýaqytta tergeý amaldary júrgizilýde.