AQSH Prezıdenti Djo Baıden kúnnen-kúnge órship bara jatqan "omıkronmen" kúresýdiń jańa josparyn usyndy
Aq úı basshysynyń aıtýynsha, úsh negizgi baǵyt qamtylmaı, epıdahýal ońalmaıdy, dep habarlaıdy Almaty-akshamy.kz 24.kz-ke silteme jasap.
Baıden qosymsha 10 myń testileý ortalyǵyn ashyp, úıde tapsyrýǵa bolatyn 500 mıllıon kovıdke arnalǵan test satyp alýdy, aýrýhanalarǵa qosymsha bir myńǵa jýyq jumys kúshin tartýdy tapsyrdy.
Demokrat halyq arasynda dúrbeleń salmaýǵa shaqyryp, býster ekpesin alýdyń mańyzdylyǵyna toqtaldy. Ol óz sózinde kovıd vaksınasynyń býsterin tipti AQSH-tyń eks-prezıdenti Donald Tramptyń ózi de alǵanyn tilge tıek etti.
Osy oraıda densaýlyq saqtaý salasynyń mamandary 330 mıllıon amerıkalyqtyń 62 mıllıony ǵana býster ekpesin saldyrǵanyn málimdedi.
Al AQSH-taǵy jańa naýqastardyń 73 paıyzy - "omıkron" juqtyrǵandar.
«Halyqtyń kókeıinde "2020 jyldyń naýryz aıyndaǵy jaǵdaı qaıtalanýy múmkin be?" degen suraq tur. Ýaıymdamańyzdar, qaıtalanbaıdy! Sebebi qazir bizdiń qolymyzda vaksına bar, al ol kezde bolmaǵan edi. Sondyqtan ekpe saldyrýdy keıinge qaldyrmańyzdar. Balalaryńyzdy da qorǵańyzdar. Osy ýaqytqa deıin 5 pen 11 jas aralyǵyndaǵy 6 mıllıon bala ekpe alyp úlgirdi», - dedi AQSH Prezıdenti Djo Baıden.