Almatyda dárihana qorshaýynyń temir istigi balanyń tamaǵyna kirip ketken, dep habarlaıdy aqshamnews.kz.
Oqıǵa 1 tamyzda bolǵan. 9 jastaǵy bala velosıpedpen ketip bara jatyp, úshkir temirden jasalǵan sharbaqqa qulap, denesiniń birneshe jerinen temir kirip ketken. Jedel járdem balany dereý Almaty balalar shuǵyl medısınalyq kómek kórsetý ortalyǵynyń qabyldaý bólimine jetkizgen.
Bala jabyq bas súıek-mı jaraqaty, mıdyń shaıqalýy, traheıa men aýyz qýysynyń zaqymdalýy men moıyn jaraqatyn alǵan. Tómengi jaqtyń artqy kortıkaldy plasınkasynyń oń jaq burysh aımaǵy synǵan. Balanyń moıynynan 4 mm/10 sm ólshemdi bógde zat - metal qorshaýdyń synǵan temiri alyndy, – deıdi dárigerler.
Dárigerler balanyń denesinen naızanyń ushy sıaqty metaldy alyp tastaý úshin 1,5 saǵat ota jasaǵan.
Qazir balanyń jaǵdaıy aýyr, jansaqtaý bóliminde jatqyzylǵan.