Oblystyń taýly aýdandarynda temperatýra joǵarylap, saldarynan muzdyqtar qarqyndy erip, morenalyq-muzdyq kólderi tolady. Ózen arnalaryndaǵy aǵynnyń joǵarylaýy esebinen kúrdeli sel jaǵdaıy saqtalyp otyr. Sondaı-aq Almaty oblysynyń ákimdigi, Talǵar aýdanynyń turǵyndaryna Talǵar ózeniniń baseınindegi №19 kól qazirgi kóldiń soltústik jáne soltústik-shyǵys bóliginde jınalǵan sý jaǵalaýdy jyryp aǵýy yqtımal ekenin aıtady, dep habarlaıdy aqshamnews.kz.
«Sol sebepti qaýip tóndirýi múmkin. Fondyq baǵalaý ádistemesine súıene otyryp sel aǵyndaryn boljaý boıynsha muzdyq kóldiń serpilisi aǵymdaǵy jyldyń 6 tamyzynan bastap bolýy múmkin. Osyǵan baılanysty aýdannyń turǵyndary, qonaqtary jáne demalýshylar men týrıser Talǵar qalasynyń basynda ornalasqan gırotehnıkalyq qondyrǵydan asyp taýǵa, demalys oryndarǵa shyǵýǵa tyıym salynady», - delingen habarlamada.
Ákimdik Talǵar ózeni arnasyna jaqyn ornalasqan turǵyn úı ıelerine jáne jergilikti halyqqa únemi áleýmettik jelilerdi, teledıdıar jáne radıobaılanys jelilerine, elektrosırenalardyń qosylýy kezinde muqıat tyńdap, qulaq túrýge shaqyrady.