Íshkí íster mınıstrlígí áleumettík osal toptardy, sonyń íshínde kámeletke tolmaǵandardy da qamtyǵan qylmystyq shemalardy anyqtady.
"STOP-trafık" jedel-profılaktıkalyq ís-sharasy ayasynda adam saudasymen baılanysty bírqatar auyr qylmystyń joly kesíldí: barlyǵy 39 fakt tírkeldí, onyń altauy kámeletke tolmaǵandarǵa qatysty. Almaty qalasynda jańa tuǵan nárestelerdí satu faktíleríne qatysy bar qylmystyq top áshkerelendí, - dep habarlaıdy Aqshamnews.kz.
Ūıymdastyrushylar qıyn ómírlík jaǵdaıǵa tap bolǵan jas áıelderdí materıaldyq syıaqy úshín sábıín bógde adamdarǵa beruge ıtermelegen. Barlyq qatysushy ūstaldy. 20-dan astam qylmystyq ís tergelude. Kúdíktílerge múlkín tárkíleı otyryp, 18 jylǵa deıín bas bostandyǵynan aıyru jazasy kózdelgen.
Abaı oblysynda azamattardy májbúrlí eńbekke tartyp, qanau faktísí anyqtaldy. 11 qylmystyq ís qozǵalyp, materıaldar sotqa jíberílude. Túngí oıyn-sauyq oryndaryn júıelí tekseru barysynda Shymkentte, Aqtóbe, Jambyl, Batys Qazaqstan, Qaraǵandy jáne Qostanaı oblystarynda azamattardy, onyń íshínde kámeletke tolmaǵandardy qanaudyń ártúrlí faktíleríníń joly kesíldí.
Astanada polıtsıya men prokuratura bírlesíp, temírjol vokzaly mańynda reıdter júrgízdí. Azamattardy seksualdyq maqsatta paıdalanuǵa arnalǵan prıtondardy ūıymdastyru jáne ūstau boıynsha segíz adam qylmystyq jauapkershílíkke tartyluda. Aqmola oblysynda dínı toptyń áreketí toqtatyldy.
Atalmysh top erkín jynystyq qatynastardy jáne otbasylyq qūndylyqtardan bas tartudy nasıhattaıtyn "ruhanı ortalyq" ūıymdastyrǵan. Tíntu barysynda dínı ádebıetter, atrıbuttar men rıtualdyq zattar tabyldy. Qajettí saraptamalar taǵaıyndalyp, tergeu júrgízílude.
Būǵan deıín Astana, Almaty jáne Shymkent qalalarynda "elıtalyq eskort" ūıymdastyrushylarynyń qyzmetí toqtatyldy. Olar túngí klubtar men barlarǵa jas qyzdardy tartyp, jeńgetaılyqpen aınalysqan. Qylmystyq íster sotqa jíberíldí.
Sonymen qatar, Almaty men Astana qalalarynyń túngí oıyn-sauyq oryndarynda profılaktıkalyq reıdtík ís-sharalar ótkízíldí. Onyń maqsaty - azamattardy qylmystyq qanau táuekelderíníń aldyn alu, jastardy asotsıaldy áreketke tartu faktílerín boldyrmau jáne qoǵamdaǵy moraldyq qūndylyqtardy nyǵaıtu. Keshendí profılaktıkalyq jūmys jalǵasady.