Izraıl men Shveısarıada maımyl sheshegin juqtyrýdyń alǵashqy oqıǵalary rastaldy. Búginde aýrý anyqtalǵan elder sany 14-ke jetti. Bul týraly QazAqparat Almaty-akshamy.kz Inform.kz-ke silteme jasap habarlaıdy.
Eki elde de aýrýdy birinshi juqtyrǵandar jaqynda ǵana shetelden kelgen. Izraılde ınfeksıanyń birneshe jaǵdaıy zerdelený ústinde. Maımyl sheshegi Ortalyq jáne Batys Afrıkada jıi kezdesedi. Bul aımaqtan tys jerde onyń qozdyrǵyshyn kóbinese sol jerde bolǵan adamdar men janýarlar tasymaldaıdy. AQSH, Kanada, Avstralıa jáne Eýropada maımyl shesheginiń jańa jaǵdaılary zerttelýde. Osy aptada AQSH, Kanada, Ispanıa, Portýgalıa, Ulybrıtanıa, Fransıa, Italıa, Shvesıa jáne Avstralıa bıligi de óz aýmaǵynda aýrýdyń órshýin rastady.
Álemde ınfeksıanyń 80-ge jýyq rastalǵan jaǵdaıy týraly habarlanǵan, biraq Dúnıejúzilik densaýlyq saqtaý uıymy maımyl sheshegin juqtyrdy degen kúdikke ilingen taǵy 50 pasıent týraly aıtty, biraq qaı elde anyqtalǵany atamaı otyr.
Uıym aýrý sanynyń áli de artatynyn eskertti. Ǵalymdar indettiń osynsha qarqyndy taralatynyn kútken joq, dese de maımyl sheshek adamnan adamǵa ońaı juqpaıdy. Brıtandyq densaýlyq saqtaý qyzmetiniń málimetinshe, aýrý ádette jeńil ótedi, adamdardyń kóbi birneshe apta ishinde saýyǵyp ketedi.