Japonıanyń Fýkýoka qalasynda sý sporty túrlerinen álem chempıonaty ótip jatyr. Búgin Qazaqstan qorjynyna alǵashqy medal tústi, dep habarlaıdy Almaty-akshamy.kz Mádenıet jáne sport mınıstrligi Sportty damytý dıreksıasynyń baspasóz qyzmetine silteme jasap.
Edýard Kım kórkem júzý básekesiniń tehnıkalyq baǵdarlamasynda qola medal ıelendi. Otandasymyz 216.0000 upaı jınap, top jarǵan ıspanıalyq Dıas del Rıo Sol Fernando (224.5550) men kúmis júldeger amerıkalyq Gode Kennetke ese jiberdi.
Erler arasyndaǵy artısik júzý bıyl alǵash ret álem chempıonatyna qosyldy. Japonıadaǵy aıtýly básekeniń fınalynda 10 sportshy alǵashqy júlde jıyntyǵyn sarapqa saldy.
Bul sport túrinen atletter endi 22 shildede erkin baǵdarlamada baq synaıdy. Budan bólek, Qazaqstan quramasy sýda júzý, sý doby (erler, áıelder) jáne ashyq sýda júzý jarystarynda óner kórsetedi. Doda 30 shildede aıaqtalady.