Elordada qaza tapqan órt sóndirýshi Asqar Zabıkýlın jaıynda fılm túsirilip jatyr.
Fılm «Qaharman» dep atalady.Bul týraly áleýmettik jelidegi paraqshada marqumnyń áıeli Ánel Zabıkýllına jazdy, dep habarlaıdy Almaty-akshamy.kz Elorda.info-ǵa silteme jasap.
«Qazir Asqarǵa jáne kún saıyn óz ómirin qaterge tigip, otpen kúresip júrgen órt sóndirýshiler men qutqarýshylarǵa arnalǵan «Qaharman» serıaly túsirilip jatyr. Astanadaǵy túsirilim alańyna biz de bardyq. Ol mańda shamamen 5 saǵattaı boldyq. Álbette, fılm túsirý – ońaı is emes. Túsirilim alańy, jaryq, rakýrs bul bir ǵana kórinisti túsirý kezinde biz kórgen qıyndyqtardyń az bóligi. Túsirilim tobyna alǵys aıtamyn. Fılm kópshilikke unaıdy dep oılaımyn», - dep jazdy marqumnyń áıeli.
Eske sala keteıik, Asqar Zabıkýlın 2022 jyly 16 qarashada Astanda órt bolǵan «Qaharman» turǵyn úı kesheniniń turǵyndaryn qutqarý kezinde denesiniń 80 paıyzyn kúıik shalǵan edi. Dárigerler onyń ómiri úshin birneshe kún kúresti. Ókinishke oraı, ol 20-qarasha kúni aýrýhanada kóz jumdy.