«Qorǵas» SHYHO aýmaǵynyń Qazaqstan jaǵynda 6 zańsyz oıyn bıznesin jáne bir jezóksheler oshaǵyn QHR azamattary uıymdastyrǵan. Atalǵan oryndardy QMA Jetisý oblysy boıynsha departamenti oblystyq prokýratýrasy, Ulttyq qaýipsizdik departamenti sondaı-aq oblystyq polısıa ári shekara qyzmetimen birlese otyryp joıdy, dep habarlaıdy almaty-akshamy.kz Qarjylyq monıtorıń agenttiginiń baspasóz qyzmetine silteme jasap.
Anyqtalǵandaı, astyrtyn oıyn mekemeleri túngi ýaqytta shekteýli adamdar úshin, atap aıtqanda Qytaı azamattary úshin ǵana jumys istegen.
«Tintý nátıjesinde 4 komersıalyq ǵımaratta 76 oıyn avtomaty, 43 oıyn ústeli, qumar oıyndaryn uıymdastyrýǵa qajetti kóptegen tehnıkalyq qural-jabdyqtar, sondaı-aq 60 myń ıýánnan astam aqshalaı qarajat tabylyp tárkilendi» - delingen habarlamada.
Sotqa deıingi tergeý jalǵasyp jatyr. QR QPK 201-babyna sáıkes, tergeý múddesindegi ózge de málimetter taratylýǵa jatpaıdy.
QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.