Almaty Radıoelektronıka jáne baılanys áskerı-ınjenerlik ınstıtýtynyń besinshi kýrs kýrsanty Sergeı Lı Shymkentte karate-do shotokan «Mýrakamı Kap»-tan ótken Álem kýbogynda jeńiske jetti.
Týrnırge Ázerbaıjan, Qazaqstan, Qyrǵyzstan, Mońǵolıa, Reseı, Tájikstan, Ýkraına, Ózbekstan, Fransıa jáne Japonıadan 432 sportshy qatysty.
Qazaqstandyq kýrsant Sergeı Lı komandalyq kata jáne kýmıte sekildi eki baǵdarlamada óner kórsetti. 21 men 39 jas aralyǵyndaǵy komandalyq katada ol úshinshi orynǵa ıe boldy.
Onyń álemdik birinshiliktegi basty jetistigi 65 kelige deıingi salmaq dárejesinde kýmıte boıynsha jeke esepte jeńiske jetýi boldy.
– Men úshin bul jaı ǵana jeńis emes, kóp jyldyq eńbek pen qajyrly jattyǵýlardyń nátıjesi. Elimniń namysyn halyqaralyq dodada abyroımen qorǵap, bolashaq ofıserlerdiń qalaı daıyndalyp jatqanyn kórsete alǵanymdy maqtan tutamyn. Jattyqtyrýshylarǵa, otbasyma jáne ınstıtýtqa qoldaý kórsetkeni úshin rahmet. Onsyz bul jetistik múmkin bolmas edi, – dep atap ótti sportshy.
Áskerı joǵary oqý ornynyń ókilderi qalalyq, respýblıkalyq jáne halyqaralyq deńgeıdegi jarystarǵa únemi qatysyp, júldeli oryndarǵa ıe bolatynyn atap ótken jón.