Qorǵanys mınıstrligi ǵımaratynan órt shyqty, dep habarlaıdy Almaty-akshamy.kz Inform.kz-ke silteme jasap.
Órt vıdeosyn kýágerler Astanovka98 Telegram-arnasynda jarıalady jáne aqparatty QR Tótenshe jaǵdaılar mınıstrliginiń baspasóz hatshysy Rýslan Imanqulov rastady.
«Órt sóndirýge shaqyrtý tústi, qazirgi ýaqytta bólimsheler oqıǵa ornynda jumys istep jatyr. Órt qazirdiń ózinde aýyzdyqtaldy, tolyq aqparat sál keıinirek bolady», - dedi R. Imanqulov.
Onyń aıtýynsha, ǵımaratta 10 sharshy metr aýmaqta keńse jıhazy janyp ketken.
«Saǵat 13:42-de órt sóndirildi. Zardap shekkender joq, oqıǵanyń sebebi anyqtalyp jatyr», - dep tolyqtyrdy TJM baspasóz hatshysy.