Burynǵy Qorǵanys mınıstri Murat Bektanov 12 jylǵa bas bostandyǵynan aıyryldy, dep habarlaıdy Almaty-akshamy.kz BAQ.KZ-ke silteme jasap.
Zakon.kz derekterine súıensek, Qylmystyq ister boıynsha mamandandyrylǵan aýdanaralyq áskerı sot osyndaı úkim shyǵardy. Qorǵanys mınıstrligin basqarǵan eks-basshy qaýipsizdigi barynsha qatań baqylanatyn qylmystyq-atqarý júıesi mekemesinde jazasyn óteıtin bolady.
Sot Bektanovqa qatysty tolyq málimet usynbady. Aıtýlarynsha, bul qylmystyq is - «qupıa» qaralatyn isterdiń biri.
Eske salsaq, Murat Bektanov 2021 jyldyń 31 tamyzynan bastap 2022 jyldyń 19 qańtaryna deıin Qazaqstan Respýblıkasy Qorǵanys mınıstriniń laýazymynda bolǵan. 2022 jylǵy 19 aqpanda Bas prokýratýra burynǵy Qorǵanys mınıstri Murat Káribaıuly Bektanovqa qatysty Qazaqstan Respýblıkasy Qylmystyq kodeksiniń 452-baby áreketsizdik faktisi boıynsha sotqa deıingi tergep-tekserýdi bastady. Oǵan tótenshe jaǵdaı kezinde zańsyz buıryqtar berip, áskerı strategıalyq nysandardy qorǵaýsyz qaldyrdy degen aıyp taǵyldy.