Búgin Almaly aýdanynda Almaty ákimi Erbolat Dosaev turǵyndarmen kezdesti.
Onda aýdan turǵyndary qala ákimine suraqtaryn joldady, dep habarlaıdy Almaty-akshamy.kz
«Qalada Gogol-Baıtursynov kósheleriniń qıylysynda depo bar. Turǵyndar sol jerdegi skverdi buzýdy suraıdy Búkil aýmaqty bolmasa da, kem degende onyń bir bóligin», - degen ótinishin bildirdi turǵyndardyń biri.
Bul saýalǵa:
«Pandemıaǵa jáne jeke ınvestordyń bas tartýyna baılanysty depo jobasy birneshe jyl boıy toqtap qaldy. Joba qalanyń ıeliginde, búginde smetalyq qujattary retke keltirilýde. Depo aýmaǵynda saıabaq salý qarastyrylyp jatyr. Jobasy jaman emes, ol qala qurylysy keńesine usynylady. Bir aıta ketetini - jobany paıdalanýdyń úsh jyldyq merziminen asyp ketkendikten, qunyn retteý kerek. Smetalyq qujattama tamyz-qyrkúıek aılarynda daıyn bolady. Joba eski depony tolyq qalpyna keltirýdi, jańa ǵımarat salýdy jáne búkil aınalany abattandyrýdy qarastyrady. Bul jańa jastar kesheni, Almaty qalasynyń shyǵarmashylyq ortalyǵy bolady», - dep jaýap berdi qala ákimi Erbolat Dosaev.