Qorǵanys mınıstrligi Aqtóbe oblysyndaǵy tikushaq apatynyń aldyn ala sebebin atady, dep habarlaıdy aqshamnews.kz
Búgin óńirde MI-8 tikushaǵy apatqa ushyrady. Saldarynan bir adam qaza taýyp, 2 adam Aqtóbe qalasyndaǵy aýrýhanaǵa jetkizildi.
Avıasıalyq oqıǵanyń aldyn-ala sebebi – tehnıkalyq aqaýlyq. Oqıǵanyń mán-jaıy anyqtalyp jatyr. Jergilikti jerde vedomstvoaralyq jedel top jumys isteýde, – dep jazylǵan Qorǵanys mınıstrligi taratqan habarlamada.
Qarýly kúshterdiń basshylyǵy men Áýe qorǵanysy kúshteriniń qolbasshylyǵy qaza tapqan áskerı qyzmetshiniń týystary men jaqyndaryna kóńil aıtady. Onyń týystaryna, sondaı-aq zardap shekkenderge barlyq qajet kómek kórsetiledi.