Qorǵanys mınıstri jaýyngerlerdiń Armıa halyqaralyq oıyndaryna daıyndyǵyn tekserdi
General-leıtenant Nurlan Ermekbaev «Astana» óńirlik qolbasshylyǵynyń oqý-jattyǵý ortalyǵyna baryp, «ArHO-2021» qatysýshy komandalardyń daıyndyǵymen tanysty, dep habarlady Almaty-akshamy.kz.QR Qorǵanys mınıstrliginiń saıtyna silteme jasap.
Qaraǵandy mańyndaǵy oqý-jattyǵý polıgonynda jaýyngerler «Álem jaýyngeri» men «Taktıkalyq mergen» atty Armıa halyqaralyq oıyndarynyń baıqaýlaryna daıyndalýda.
Oıyn tarıhynda «Taktıkalyq mergen» baıqaýy alǵash ret Rázan qalasynda ótedi. Tórt kezeńnen turatyn oıyn barysynda qatysýshylar jeke jáne top quramynda sheberlikterin kórsetedi. Sonymen birge dýel jattyǵýlaryn oryndap jáne ýaqytqa atýdan jarysady.
El jaýyngerleri úzdik nátıjeler kórseterine senimdi. Armıa taktıkalyq atystary Qazaqstannyń Qarýly Kúshterinde 2019 jyldan bastap belsendi túrde damyp keledi. Atystyń bul túri 2020 jyldan bastap bólimshelerdiń baǵdarlamasyna engizildi. Onyń elementteri «Altyn jebe» arnaıy operasıalar kúshteriniń oqý-jattyǵýy men jyl saıynǵy keshendi tekserý kezinde árdaıym pysyqtalyp keledi.
Armenıada «Álem jaýyngeri» baıqaýy ótedi. Atalmysh baıqaý birneshe kezeńnen turady. Kezeńder barysynda qatysýshy erler men áıelderdiń kásibı jáne zıatkerlik deńgeıi, sondaı-aq shyǵarmashylyq qabiletteri tekseriledi. Bizdiń jaýyngerler bul konkýrsta árqashan júldeli oryndar ıelenedi. Al 2018 jyly jeńimpaz atanǵan bolatyn.
Qorǵanys mınıstri polıgonda konkýrs jattyǵýlarynyń is júzinde oryndalýyn baqylap, «ArHO-2021» daıyndyq barysy jóninde komandalar basshylaryn tyńdady. Sondaı-aq qarý-jaraqtyń keıbir túrlerin qarap, synaqtan ótkizdi.
Armıa halyqaralyq oıyndary 22 tamyz jáne 4 qyrkúıek aralyǵynda 12 eldiń aýmaǵynda ótedi. El áskeri bul joly on bir konkýrsqa qatysady.
