QR Ulttyq ulanyna – 30 jyl
Qazaqstan Respýblıkasy Ulttyq ulany «Ońtústik» óńirlik qolbasshylyǵynda radıasıalyq hımıalyq jáne bıologıalyq qorǵanys bólimsheleriniń polıgondyq jumysy aıaqtaldy.
Almatymen irgeles jatqan Almaty oblysyna qarasty Jetigen kentindegi 5574 áskerı bóliminiń bazasynda «Ońtústik» óńirlik qolbasshylyǵynyń jáne 6654 áskerı bóliminiń RHB qorǵanys qyzmetiniń mamandaryn praktıkalyq daıarlaý jáne RHB qorǵanys bólimshelerimen birlesken polıgondyq jumystar júrgizildi.
«Ońtústik» óńirlik qolbasshylyǵynyń jáne 6654 áskerı bóliminiń radıasıalyq, hımıalyq jáne bıologıalyq qorǵanys bólinisteriniń 139 mamany polıgondyq praktıkaǵa qatysty. Polıgondyq praktıkanyń negizgi maqsatty – dalalyq mashyqtaný deńgeıin arttyrý, jeke daǵdylardy jetildirý jáne RHB qorǵanys mindetterin oryndaý kezinde eseptoptar men bólimsheler quramyndaǵy is-qımyldar úılesimdiligin arttyrý.
Polıgon jumystaryna «Ońtústik» óńirlik qolbasshylyǵynyń jedel basqarmasynyń RHB qorǵaý qyzmetiniń bastyǵy maıor Dıdar Bolatov basshylyq jasady.
– Óńirlik qolbasshylyqta barlyq baǵyttaǵy mamandardy, ofıserler, serjanttar men sarbazdar quramyn kásibı daıarlaýǵa mańyzdy mán beretinin, olardyń kásibı sheberligin odan ári jetildirýdi udaıy arttyryp otyratynymyzdy atap ótken jón. Sondaı-aq, polıgondyq jumys áskerı qyzmetshilerdiń jaýyngerlik is-qımyldardy júrgizý kezinde radıasıalyq, hımıalyq jáne bıologıalyq qorǵaýdy uıymdastyrýdaǵy teorıalyq bilimderi men praktıkalyq daǵdylaryn jetildirýge óz septigin tıgizedi, – dedi «Ońtústik» óńirlik qolbasshylyǵy qolbasshysynyń birinshi orynbasary – shtab bastyǵy polkovnık Bekaıdar Qazkeev.
Praktıka barysynda ofıser, kelisimshart boıynsha áskerı qyzmetshi jáne sarbazdardan tórt qurama vzvod jasaqtaldy. Birinshi radıasıalyq jáne hımıalyq barlaý vzvodyna 6698 áskerı bóliminiń RHB qorǵanys qyzmetiniń bastyǵy maıor Erjan Medetov, ekinshi radıasıalyq jáne hımıalyq barlaý vzvodyna 3665 áskerı bóliminiń RHB qorǵanys qyzmetiniń bastyǵy podpolkovnık Ermahan Ýmırtaev, úshinshi arnaıy óńdeý vzvodyna 5572 áskerı bóliminiń RHB qorǵanys qyzmetiniń bastyǵy maıor Mıras Bısenǵalıev, tórtinshi arnaıy óńdeý vzvodyna 6654 áskerı bóliminiń RHB qorǵanys qyzmetiniń bastyǵy podpolkovnık Jandos Nurahmetov basshylyq jasady.
Alǵashqy sabaq «Qarýdy, arnaıy quraldardy jáne qyzmettik ıtti qoldaný» taqyrybynda Ulttyq ulannyń qyzmettik-jaýyngerlik qoldaný taktıkasynan bastaldy. Birinshi sabaq bitkennen keıin jeke quram praktıkalyq daıyndyq ótkizý úshin RHB qorǵanys qalashyǵyna bet aldy. Ol jerde polıgon jumystarynyń bastyǵy maıor Dıdar Bolatov tehnıkalyq baqylaý shatyrynda gaztutqyshty qıystyryp keltirý jáne tehnıkalyq tekserýden ótkizý boıynsha sabaq ótkizdi. Polıgon jumystarynyń ekinshi kúni jeke quram tehnıka men RHB qorǵanys quraldaryna kútim jasaý boıynsha № 26, 30 tapsyrmalardy oryndaýdy meńgerdi.
Qazaqstan Respýblıkasy Qorǵanys mınıstrligi desanttyq-shabýyldaý áskeri 26363 áskerı bóliminiń RHB qorǵanys jeke batalónynyń áskerı qyzmetshileri PÝS-RPO-A oqý-jattyǵý quralyn paıdalana otyryp, oqý atystaryn uıymdastyrdy.
Praktıkalyq sabaqtar barysynda serjanttar men sarbazdar radıasıalyq, hımıalyq, bıologıalyq barlaý jáne arnaıy óńdeý pýnktterin óristetý qarý-jaraqty, áskerı tehnıkany jáne jeke quramdy tolyq arnaıy óńdeýdi pysyqtady.
On táýlik ishinde ońtústiktiń qubylmaly aýa raıyna qaramastan, hımıkter ózderiniń teorıalyq bilimderin praktıkada kórsetti, arnaıy tehnıka arqyly óz mindetterin pysyqtady, al serjanttar bólimshelerdi basqarýda jaýyngerlik qamtamasyz etý taprsyrmalaryn oryndaý boıynsha tájirıbe almasty. Jıyn barysynda jeke quramǵa RHB qorǵaý quraldary men qarý-jaraqtyń zamanaýı úlgileri usynyldy.
Barlyq qatysýshylar arasynda RHB qorǵanysynyń úzdik mamanyn anyqtaý úshin qashyqtyqqa júgirýden, beltemirge tartylýdan, 100 metrge júgirýden jáne RHB qorǵanystan №1, 2, 3, 4, 5, 6, 7, 9, 12 normatıvterdi oryndaýdan jarystar uıymdastyrylyp, baqylaý-tekserý sabaqtary ótkizildi.
Demalys kúnderi RHB qorǵanys mamandaryna Otan qorǵashýylar jáne Uly Otan soǵysy Jeńisiniń 77 jyldyǵy merekesine oraı «General» tobynyń konserttik baǵdarlamasy usynyldy. Sonymen qatar, jıynǵa qatysýshylardyń arasynda jappaı sporttyq is-sharalar men voleıboldan jarys uıymdastyryldy. Nátıjesinde 5513 áskerı bóliminiń mamandary bas júldeni ıelendi. Al júldeli ekinshi orynǵa 5514 áskerı bóliminiń mamandary taban tirese, úshinshi oryn 6506 áskerı bólimindegi RHB qorǵanys mamandarynyń qanjyǵasyna baılandy.
Polıgondyq praktıkanyń qorytyndysy boıynsha radıasıalyq, hımıalyq jáne bıologıalyq qorǵanys ekıpajdary men eseptoptary, sonymen qatar birqatar mamandar joǵary nátıje kórsetti. Atap aıtar bolsaq, RHB qorǵanys boıynsha normatıvterdi oryndaýdan úzdik merzimdik qyzmettegi sarbaz 5514 áskerı bóliminiń jaýyngeri qatardaǵy Nurdáýlet Zeınýlla 1-oryndy, 5547 áskerı bóliminen qatardaǵy Aslan Doldan 2-oryndy jáne 3-oryndy 5571 áskerı bóliminiń jaýyngeri qatardaǵy sarbaz Álı Erkin ıelendi.
Al 2022 jyldyń İ jartyjyldyǵynda «Úzdik RHB qorǵanys mamany» dep tanylǵan 6506 áskerı bóliminiń bólinis bastyǵy serjant Tasbolat Tastanbekov (1-oryn), 5571 áskerı bóliminiń RHB qorǵanys vzvodynyń komandıri aǵa leıtenant Ábil Baımoldın (2-oryn) jáne 6654 áskerı bóliminiń RHB barlaý bólimshesiniń komandıri serjant Ámirhan Bekmurza, sondaı-aq polıgondyq jumysty ótkizýde kórsetken yntasy men belsendi atsalysqany úshin 15 áskerı qyzmetshi «Ońtústik» óńirlik qolbasshylyǵy qolbasshysynyń atynan gramota jáne medaldarmen marapattaldy.
Jalpy, polıgondyq jumys barysynda RHB qorǵanys mamandary óz mindetterin oryndaý kezinde eseptoptar men bólimsheler quramyndaǵy is-qımyldardy jaqsy meńgergendigin, kásibı turǵyda biliktilikteriniń shyńdalǵanyn kórsetip, ózge de áriptesterimen tájirıbe almasyp qaıtty.