Eýro baǵamy jyl basynan beri birtindep tómendep keledi.
5 qyrkúıektegi saýda-sattyqta eýro baǵamy 20 jyl ishinde alǵash ret $0,99-dan tómendedi. Bundaı kórsetkish 2002 jyldyń sońynda osyndaı deńgeıde bolǵan, dep habarlaıdy Almaty-akshamy.kz Inbusiness.kz silteme jasap.
Eýropalyq ortalyq bank 2 qyrkúıek kúni bazalyq mólsherlemeni 0,9993 AQSH dollary deńgeıinde belgiledi. Bıyl eýro baǵamy jyl basynan beri birtindep tómendep keledi. 11 shildedegi saýda-sattyq barysynda dollardyń Eýroǵa baǵamy 20 jylda alǵash ret $1,004 belgisine deıin tómendedi.
Naryq sarapshylary valútanyń quldyraýyn Eýropadaǵy gaz daǵdarysy men Reseı men Ýkraına arasyndaǵy janjalmen baılanystyrady.
EOB qazirdiń ózinde nesıeler boıynsha mólsherlemeni kóterip úlgerdi. Sondaı-aq, Inflásıany ustap turý úshin ony qaıta jasaýdy josparlap otyr. Al AQSH Federaldy rezervtik júıesi osyǵan uqsas sharalardy erterek bastaǵan bolatyn, bul dollardyń nyǵaıýyna septigin tıgizdi.
Sarapshylar Eýropadaǵy energetıkalyq daǵdarys odan ári damıtyn bolsa, eýronyń quldyraýy jalǵasady dep sanaıdy. Japondyq Nomura International bankiniń sarapshylary eýronyń 0,95 dollarǵa deıin tómendeýin boljaıdy.