Sı Szınpınniń memlekettik sapary 14 qyrkúıekke josparlanǵan.
Qyrkúıekte Qytaı Halyq Respýblıkasynyń tóraǵasy Sı Szınpın Qazaqstanǵa memlekettik saparmen keledi. Bul týraly Syrtqy ister mınıstrliginiń resmı ókili Aıbek Smadıarov málimdedi, dep habarlaıdy Almaty-akshamy.kz Elorda.info saıtyna silteme jasap.
«QR Prezıdenti Qasym-Jomart Toqaevtyń shaqyrýymen QHR tóraǵasy Sı Szınpınniń Qazaqstanǵa memlekettik sapary 14 qyrkúıekke josparlanǵan. Sapar barysynda memleket basshylarynyń ekijaqty kelissózi ótedi dep josparlanyp otyr, yntymaqtastyqtyń túrli baǵyttary boıynsha ekijaqty qujattarǵa qol qoıylady», - dedi Smadıarov Syrtqy ister mınıstrliginde ótken brıfıńte.
Onyń aıtýynsha, sapar Qazaqstan men Qytaı arasyndaǵy máńgilik jan-jaqty strategıalyq áriptestikti odan ári tereńdetý, saıası, saýda-ekonomıkalyq jáne mádenı-gýmanıtarlyq yntymaqtastyqty damytýǵa baǵyttalǵan.