«Qoqystan jasalǵan úzdik art - obekt» baıqaýy «Almaty - bizdiń ortaq úıimiz» aksıasy aıasynda ótedi

Baıqaýdy ótkizýdiń maqsaty - turmystyq qaldyqtardy bólek jınaý jáne lastaný problemalaryna nazar aýdarý, sondaı-aq halyqty tártipti, tazalyqty saqtaýǵa jáne qalalyq ortaǵa uqypty qaraýǵa yntalandyrý

«Qoqystan jasalǵan úzdik art-obekt» baıqaýy aǵymdaǵy jyldyń 12-30 sáýir aralyǵynda Almatyda ótedi, dep habarlaıdy Almaty-akshamy.kz

Baıqaýǵa qatysýǵa sýretshiler, músinshiler, sáýletshiler, sondaı-aq shyǵarmashylyq obektıvi arqyly ekologıalyq problemalardy kórsete alatyn óner súıer qaýym shaqyrylady. 

Qatysý úshin ecology@almaty.gov.kz elektrondy poshtasyna kelesi málimetterdi joldaý qajet:

1.Qatysýshynyń aty-jóni, telefon nómiri;

2.Konkýrsqa usynylatyn art-obektisiniń sıpattamasy;

3.Art-obektiniń fotosýreti;

3. Qoldanylǵan materıaldar (makýlatýra, shyny, plasık, t.b.).

Baıqaýdyń mindetti sharty qatysýshynyń "Derbes derekter týraly" QR Zańyna sáıkes derbes derekterdi óńdeýge jáne konkýrsqa qatysýshylar týraly aqparattyq materıaldardy BAQ-ta jáne áleýmettik jelilerde jarıalaýǵa kelisýi bolyp tabylady.

Ótinimder aǵymdaǵy jyldyń 26 sáýirine deıin (qosa alǵanda) qabyldanady. Qosymsha jáne qyzyqtyratyn suraqtar týyndaǵan jaǵdaıda kelesi baılanys nómirleri boıynsha habarlasýyńyzdy suraımyz: +7(702) 066-22-55, +7(775) 289-86-55 +7(727) 390-41-07, +7(727) 390-41-30. Qońyraýlar jumys kúnderi jáne jumys ýaqytynda, saǵat 9:00-den 18:00-ge deıin qabyldanady.

Qorytyndy shyǵarý úshin upaılar barlyq kórsetkishter boıynsha jınaqtalady (keste qosa beriledi). Qatysýshylar tizimi kemý retimen baǵalanady, ıaǵnı «Qoqystan shyqqan eń jaqsy óner nysany» eń kóp upaı jınaıdy.

Baıqaýdyń jeńimpazdary úshin júlde qory (demeýshilik qarajat esebinen):

1 oryn - 1 mln. teńge;

2 oryn - 500 myń teńge;

3 oryn - 300 myń teńge.

Keste

Konkýrstyń qorytyndysyn qoǵamdyq jáne eko-qoǵamdastyq ókilderdiń jáne óner qaıratkerleriniń qatysýymen konkýrstyq komısıa aıqyndaıtyn bolady.