Elimizde sońǵy jyldary 1500 zańsyz turmystyq qaldyq polıgony joıylǵan
Qoqys polıgony balalardyń oıyn alańyna aınaldy. Búldirshinder munda keshqurym qaldyq jınaıtyn kórinedi. Almatynyń Naýryzbaı aýdany aýmaǵynan zańsyz iri qoqys alańyn qalalyq ekologıa departamentiniń ókilderi anyqtaǵan. Mamandar "mektepten qaıtqan oqýshylar las jerdi aınalyp ótýge erinip, karerdiń ishine qulap kete me» dep alańdaıdy, dep habarlaıdy Almaty-akshamy.kz Almaty.tv-ge silteme jasap.
Bıyl ǵaryshtan baqylaý kezinde qala aýmaǵynda 6 zańsyz qoqys orny anyqtalǵan. Onyń tórteýi jınalsa, Túrksib jáne Naýryzbaı aýdanyndaǵy qoqys úıindileri áli bar. Alaıda Naýryzbaı aýdanynyń qıyndyǵyn sheshý úshin aglomerasıa másele bolyp tur. Sebebi aımaq Naýryzbaı aýdanyna qarasty bolsa, tómengi tusy Qarasaı aýdanynyń menshigine jatady.
Al endi máseleni sheshý tek qalalyq ekologıa departamentine emes, Almaty oblysyna qarasty Qarasaı aýdanynyń quzyrly organ ókilderine de baılanysty. Olardyń aıtýynsha, tazalyq jumysyn áldeqashan bastap ketken.
– Almaty aglomerasıasy baǵdarlamasy aıasynda Almaty qalasyna jaqyn shekaralas ornalasqan 5 aýdan - Talǵar, Eńbekshiqazaq, İle, Qarasaı, Jambyl aýdanynda da zańsyz qoqys oryndaryn joıý jóninde Almaty oblysy men Almaty qalasynyń quzyrly organdary men ákimshiligi birlesken is-sharalar atqarylyp jatqandyǵyn jetkizgim keledi, – dedi Almaty oblysy ekologıa departamentiniń basshysy Qonysbek Baıedilov.
– Oblys turǵyndary qoqys laqtyrady. Qazirgi tańda Almaty oblysymen birlese otyryp, jınaıtyn bolamyz, – dedi ekologıa departamentiniń resmı ókili Ádil Nurpeıisov.
Jergilikti organ ókilderiniń aıtýynsha, qoqys polıgony ornalasqan orynǵa Abaı dańǵyly túsip, ol Úlken Almaty aınalmaly jolyna jalǵasady. Sondyqtan karer mańyndaǵy úıler súrilip jatyr. Mamandardyń aıtýynsha jergilikti turǵyny bolmaǵandyqtan, qurylys qaldyqtarynan bólek, munda turmystyq zattar da tógilip jatyr.
– Qaraýsyz qalǵan jerde qoqys shashylyp jatyr. Óıtkeni jan-jaqtan alyp keledi. Bıyl 25 jerde jelilik senbilik ótkizildi. Erteń osynda ótkizemiz dep josparlap otyrmyz, – dedi Naýryzbaı aýdany kóriktendirý bóliminiń bas mamany Bolat Ońǵarbaev.
Resmı derek boıynsha, elimizde sońǵy jyldary 1500 zańsyz turmystyq qaldyq polıgony joıylǵan. Biraq áli de 6 myń zańsyz qoqys orny qalǵan. Al ruqsat etilgen 3500 polıgonnyń tek 17,7 paıyzy ǵana ekologıalyq jáne sanıtarlyq talaptarǵa saı.