«Taza Qazaqstan» baǵdarlamasy aıasynda Jetisý aýdanynda 700-den astam aǵash otyrǵyzyldy, dep habarlaıdy aqshamnews.kz
Almatyda respýblıkalyq «Taza Qazaqstan» baǵdarlamasy jáne «Almaty – bizdiń ortaq úıimiz» kúzgi naýqany aıasynda Jetisý aýdanynda senbilik jáne aýdan zeınetkerleri arasynda spartakıada ótti. Sporttyq jarystar ýshý, aıkýne, skandınavıalyq serýendeý, erler arasyndaǵy jerden kóterilý, asyq oıyny, dop laqtyrý jáne darts sıaqty sport túrleri boıynsha uıymdastyryldy. İs-sharaǵa barlyǵy 100-den astam adam qatysty.
«Óz aǵashyńdy otyrǵyz» aksıasy aıasynda Jangeldın atyndaǵy skverde japyraqty aǵashtyń 150 kósheti otyrǵyzyldy.
Sondaı-aq, Kókjıek saıabaǵynda da tazalyq jumystary júrgizilip, onda 500 túrli aǵash, onyń ishinde shaǵan, qaıyń, sánaǵasha jáne qaraǵan kóshetteri otyrǵyzyldy.
Aýdan belsendilerimen birlese otyryp, saıabaqtan 350 tekshe metrden astam qoqys shyǵarylyp, 40 birlik arnaıy tehnıka jumyldyryldy.
Jetisý aýdany turǵyndarynan bólek, ekologıalyq naýqanǵa halyqaralyq uıym – Koreıanyń beıbit jáne demokratıalyq birigýi jónindegi Konsýltatıvtik keńes, Almaty koreı ulttyq ortalyǵy jáne Almaty koreı jastary qozǵalysy qosyldy. Senbilik barysynda osy uıymdardyń belsendileri Kókjıek saıabaǵyna 50 aǵash otyrǵyzdy.
«Ekologıalyq aksıaǵa qatysýshylardyń barlyǵyna zor alǵys bildiremin. Qazir osyndaı sharalardy ótkizý óte mańyzdy, olardyń arqasynda biz birlesip kúsh salyp, qoǵamǵa paıdamyzdy tıgize alamyz!», – dedi Konsýltatıvtik keńestiń Qazaqstandaǵy fılıalynyń tóraǵasy Kan Ýhan.
Naýqandy qoldaǵan qatysýshylar qalamyzdyń tazalyǵyn jáne sulýlyǵyn saqtaýǵa árkimniń qatysýynyń mańyzdylyǵyn atap ótti.
«Senbilik – bul aýdanymyzdyń tazalyǵy men kórkeıýine úles qosýdyń tamasha múmkindigi. Osy kúnderi turǵyndar aýlasyn retke keltirip, olardy jaıly ári ádemi etýge tyrysady», – dedi Belsendi uzaq ómir súrý ortalyǵynyń basshysy, ardagerler keńesiniń tóraıymy Tamara Shakırova.
Eske sala keteıik, Almatyda 18-24 qazan aralyǵynda aǵashtardy sanıtarlyq maqsatta kesý, aýlada, qoǵamdyq orynda jáne jol boıynda túsken japyraqtar men qoqystardy jınaý jumystary qarqyn alǵan.