Qostanaıda dinı rásimderdegi ysyrapshyldyqty azaıtý úshin jańa talaptar engizilgen, dep habarlaıdy aqshamnews.kz
QMDB málimetinshe, bul sheshim "Aımaǵanbet qajy Spanuly" meshitinde ótken konferensıa barysynda qabyldanǵan.
İs-sharany Qazaqstan musylmandary dinı basqarmasynyń Qostanaı oblystyq ókildigi uıymdastyrdy.
Qostanaı oblysynyń bas ımamy Bektursyn qajy Torǵaıbaıulynyń aıtýynsha, jańa sheshimder dinı rásimderdegi artyq shyǵyndardy qysqartýǵa baǵyttalǵan.
Olardyń negizgileri: qonaq asyn (janazadan bir kún burynǵy beriletin keshki asty) toqtatý;
as mázirin (baýyrsaq, nan, qant, kámpıt-pispenan, sý, sháı, ystyq tamaq) birizdilikke salý;
QMDB-nyń "Qamqor-sharapat" salttyq qyzmet kórsetý ortalyǵynyń bekitken normalary boıynsha zırat kóterý;
marqumnyń jyldyq astarynda kórsetiletin beınerolıkterdiń áýenine nazar aýdarý, beınede alkogóldi ishimdigi bar foto ne vıdeo kórinisterdiń, áýreti ashyq kıimderdiń bolmaýyn qadaǵalý;
janaza astaryn jınalysqa aınaldyrmaý, sáıkesinshe, onda úsh adamnan artyq kisige sóz bermeý.