Afrıkadan kelgen zańsyz mıgranttar Qonaev qalasyndaǵy qurylystardyń birinde eńbek etken, dep habarlaıdy Almaty-akshamy.kz İİM-ne silteme jasap.
«21 maýsym kúni Qonaev qalasynda ornalasqan mektepterdiń birinde «Mıgrant» jedel aldyn alý sharasyn ótkizý barysynda ǵımaratty jóndeý boıynsha zańsyz eńbek qyzmetin júzege asyrǵan Nıgerıanyń - 9, Kamerýn eliniń 2 azamaty anyqtaldy», - dep jazdy vedomstvodan.
Elde bolýdyń zańdylyǵyn tekserý kezinde Afrıka elderinen kelgen atalǵan sheteldikterdiń Qazaqstan Respýblıkasynyń kóshi-qony salasyndaǵy zańnamasyn buza otyryp, ıaǵnı bolý quqyǵynyń merzimi ótkenine (vıza ) qaramastan el aýmaǵynda júrgeni belgili boldy.
Qazirgi tańda jumys berýshilerdi anyqtaý jáne jaýapkershilikke tartý jumystary júrgizilýde.