Qalada «Birge taza Qazaqstan» ekologıalyq aksıasy bastaldy
Almaty oblysynyń ortalyǵy Qonaev qalasynda jalpyhalyqtyq senbilik bastaldy. İs-shara aıasynda ártúrli aýdandarda jappaı aǵash otyrǵyzylyp jatyr, dep habarlaıdy Almaty-akshamy.kz.
№7 jaǵajaıdyń saıabaq aımaǵynda 300 jas terek otyrǵyzyldy. Seıfýllın kóshesiniń boıynda (avtotrassadan temirjol joldaryna deıin) 100 shyrsha jáne 100 qaraǵaı, 10 emen men qaraǵash egildi. Frýnze kóshesiniń boıynda (GOVD men qarttar úıiniń arasynda) 50 shyrsha, 50 qaraǵaı jáne 100 qaraǵash otyrǵyzyldy. Sanıtarlyq tazartý aıasynda 20 tonna qoqys jınalyp, shyǵaryldy. Aksıaǵa 1000-ǵa jýyq adam qatysty.
«Senbilikke Zarechnyı aýyldyq okrýginde 4 birlik tehnıka jáne 200-den mekeme qyzmetkerleri jumyldyryldy. Nátıjesinde 130 m3 qoqys shyǵaryldy. Sondaı-aq, katalpa sortynyń 30 aǵashy otyrǵyzyldy», - dep habarlady oblys ákiminiń baspasóz qyzmeti.