QR Aýyl sharýashylyǵynyń Jer qatynastary komıteti «Ashyq NQA» portalyna jańadan qurylǵan oblystardyń, olardyń quramyna engen aýdandar men qalalardyń kadastrlyq kodyn belgileıtin buıryq jobasyn jarıalady, dep habarlaıdy Almaty-akshamy.kz.
Qujat jobasy boıynsha, Abaı oblysyna – 23, Ulytaý oblysyna – 25, Jetisý oblysyna – 24 degen kadastrlyq kod berilmek. Qonaev qalasy Qapshaǵaı bolyp turǵan kezdegi kadastrlyq kodyn saqtap qaldy – 055. Sondaı-aq Abaı oblysyndaǵy Kýrchatov qalasynyń kadastrlyq kody – 217, Aqsýat aýdanynyń kody – 333 bolatyny aıtylǵan. Al Shyǵys Qazaqstan aýmaǵynda qaıta qurylǵan Samar aýdanynyń kadastrlyq kody 334 bolmaq. Buǵan deıin qaıta qurylymdaý arqyly qurylǵan 3 oblystyń kólik nómirleri belgilengen edi.
«Jańadan paıda bolǵan úsh oblysqa avtokólikterdiń óńirlerlik kodtaryn mynadaı tártippen berý usynylady: Abaı oblysy - 18, Jetisý oblysy - 19,Ulytaý oblysy - 20», - dep habarlady İİM baspasóz qyzmeti.
Mınıstrlik aqparatyna qaraǵanda, jańa aımaqtarda kóliktiń nómir kodtaryn engizý barysynda kólik quraldaryndaǵy burynǵy memlekettik nómirlerdi aýystyrý talap etilmeıdi.