Dúısenbide týnıstikter el prezıdenti Kaıs Saıed usynǵan jańa konstıtýsıany qabyldaýǵa daýys bere bastady. Oǵan sáıkes, eldegi atqarýshy bılik ókilettikteri keńeıip, zań shyǵarýshy jáne sot organdarynyń ókilettigi azaıady, dep habarlaıdy Almaty-akshamy.kz QazAqparat-qa silteme jasap.
he National News taratqan málimet boıynsha, daýys berý jergilikti ýaqytpen saǵat 06:00-de Soltústik Afrıka memleketiniń aýmaǵynda ornalasqan 11 myń saılaý ýchaskesinde bastaldy. Plebısıt 22:00-ge deıin jalǵasady, sodan keıin saılaý komısıasynyń músheleri daýystardy sanaýǵa kirisedi. Referendým Týnıs prezıdenti K.Saıed úkimetti otstavkaǵa jiberip, Parlamenttiń jumysyn toqtatqannan keıin bir jyl ótken soń ótip jatyr. Osylaısha ol el bıligin óz qolyna alyp otyr.
«Biz Týnıs Respýblıkasy jarıalanǵan kúni jańa respýblıka qurmaqshymyz», - dedi prezıdent referendýmda daýys bergen soń.
25 shilde – Týnıs Respýblıkasynyń kúni. 1957 jyly týnıs halqy eldegi monarhıany joıýǵa daýys berip, alǵash respýblıka negizi qalanǵan kún. Týnıstiń 12 mıllıon turǵynynyń 9,5 mıllıonǵa jýyq azamaty referendýmǵa qatysý úshin tirkeldi, dep habarlaıdy AlJazeera Týnıs saılaý komısıasynyń (ISIE) málimetterine silteme jasap.