32363 áskerı bóliminiń áskerı qyzmetshileri kópbalaly otbasylarǵa, erekshe bilim berý qajettilikteri bar balalardy tárbıelep otyrǵan ata-analarǵa, jesirlerge jáne jalǵyzbasty analarǵa mektep oqýshylaryn jańa oqý jylyna daıyndaýǵa kómektesti.
Bólimniń jeke quramy 15 oqýshyǵa mektep sómkelerin alyp, ishin qajetti keńse zattarymen toltyrdy, dep habarlaıdy aqshamnews.kz Qorǵanys mınıstrligine silteme jasap.
– Bólimniń basshylyǵyna jáne 35-shi jeke gvardıalyq desanttyq-shabýyldaý brıgadasynyń barlyq jeke quramyna kórsetken yqylasy men qamqorlyǵy úshin alǵysymdy bildirgim keledi, – dedi 32363 áskerı bólimi áskerı qyzmetshileriniń otbasy múshelerimen jumysty uıymdastyrý qyzmetiniń basshysy Shynar Ahmetova. – Syılyq sómkelerinde oqýshyǵa qajet nárseniń bári: dápterler, álbomdar, kúndelikter, qalamdar, qaryndashtar, boıaýlar jáne plasılınder bar.
Jyl saıyn desantshy jaýyngerler «Mektepke jol» qaıyrymdylyq aksıasyna qatysýdy jaqsy dástúrge aınaldyrǵan. Osylaısha, áskerı qyzmetshiler qıyndyqqa tap bolǵan adamdarǵa qol ushyn beredi. Muqtaj adamdarǵa materıaldyq jáne moraldyq qoldaý kórsetý olarǵa senimdi nyǵaıtyp, dostyqty dáripteýge múmkindik beredi.