Batys Qazaqstan oblysynda bes adam, onyń ishinde polıseı jol apatynan qaza tapty.
Bul týraly «Ýralskaıa nedelá» basylymy málimdedi.
Jol-kólik oqıǵasy 24 tamyz kúni saǵat 7.00 shamasynda Jalpaqtal kentiniń mańyndaǵy Kaztalovka-Oral tas jolynda boldy. Avtokólik jol boıynda turǵan shóp tıelgen júk kóligimen soqtyǵysqan.
Avtokólikte bes adam bolǵan. Tórteýi oqıǵa ornynda qaza boldy, al besinshisi keıinirek aýrýhanada qaıtys boldy.
Qaza tapqandardyń biri – Kaztalov polısıa bóliminiń birinshi orynbasary, polısıa maıory Marlen Qarabaev ekeni anyqtaldy. Onymen birge jubaıy qaıtys boldy. Olardyń bes balasy qaldy.
Atalmysh basylymnyń málimetinshe, qaıtys bolǵandardyń barlyǵy synyptas bolǵan. Qaza bolǵandar arasyndaǵy taǵy bir erli-zaıyptynyń jeti balasy bar.