Teorıalyq jáne praktıkalyq bólimnen turatyn sabaq baǵdarlamasy bitimgerlik bólimderine arnalǵan.
Kýrstyń negizgi maqsaty – BUU bitimgerlik mısıalarynda beıbit turǵyndardy qorǵaý. Oqý barysynda komandırler men shtab ofıserleri mınadan tazartý bólimsheleri jumysynyń quqyqtyq jáne jedel negizderin úırendi, dep habarlaıdy aqshamnews.kz Qorǵanys mınıstrligine silteme jasap.
Kýrsqa qazaqstandyq bitimgerlerden bólek Pákistan Islam Respýblıkasy men Qytaı Halyq Respýblıkasynyń áskerı qyzmetshileri qatysty.
Baǵdarlamany meńgergennen keıin qatysýshylar emtıhan tapsyryp, halyqaralyq sertıfıkattarǵa ıe boldy. Aldaǵy ýaqytta mınadan tazartý ortalyǵy bitimgerlik kontıngentin mınadan tazartý jeke quramyn daıarlaý sapasyn arttyrý úshin BUU akkredıttelgen kýrstar katalogyn keńeıtýdi josparlap otyr.