Qala kúnin atap ótý aıasynda 15-17 qyrkúıek aralyǵynda Ortalyq mádenıet jáne demalys saıabaǵynda baqtar, gúlder jáne landshafttyq óner boıynsha «Almaty Garden Show» festıvali ótedi, dep habarlaıdy Almaty-akshamy.kz.
Qonaqtarǵa álemniń jetekshi dızaınerlerinen, baǵbandar men gúl ósirýshilerden sheberlik sabaqtary ótkiziledi. Sarapshylar kásibı kógaldandyrý, gúl shoqtaryn zamanaýı túrde jasaý jáne landshafttyq dızaınnyń jańa trendteri boıynsha usynystarmen bólisedi. Jylyjaılardyń ıeleri, baý-baqsha jabdyqtaryn jetkizýshiler «Baqshanyń sáni» boıynsha sońǵy jetistikterin kórsetedi.
Esterińizge sala keteıik, jyl saıynǵy is-shara Almatyda on birinshi ret ótip jatyr. Ótken jyly "Almaty Garden Show" kórmesine 30 myń adam keldi. Dástúr boıynsha festıvál aıasynda konkýrstar ótkiziledi, onyń qorytyndysynda ár túrli nomınasıalardaǵy jeńimpazdar dıplomdarmen jáne aqshalaı syılyqtarmen marapattalady.
Anyqtamalar men akredıtteý úshin: + 7 707 777 52 47 - Almaty qalasy Ekologıa jáne qorshaǵan orta basqarmasynyń baspasóz hatshysy Ajar Nýrseıt.