Er adam qoltyraýynnyń shabýylyna toıtarys berdi
Aýstralıalyq fermer Kolın Devero úshmetrlik teńiz qoltyraýynynyń shabýylynan aman qaldy, - dep habarlaıdy almaty-akshamy.kz ABC News basylymyna silteme jasap.
Oqıǵa ótken aıda oryn alǵan. Kolın Aýstralıadaǵy Fınıss ózeniniń mańynda qurylys júrgizbek bolyp, qorshaý jasaýǵa daıyndalyp jatqan. Ol batpaqta (boloto) balyqtyń júzgenin kórip, toqtaǵan.
"Eki qadam jasaı bergenim sol edi, qoltyraýyn oń aıaǵymnan bas saldy. Onyń tisteri siresip qalǵany sonshalyq, meni julqylaı bastady, sosyn sýǵa qaraı tartty", - deıdi Devero.
60 jastaǵy er adam bos sol qolymen uryp kórgen, tipti jyrtqyshty tistep kórgen.
"Men yńǵaısyz pozısıada turyp qaldym, alaıda jolym bolyp, onyń qabaǵynan tistedim. Ol qalyń bolsada, tistep turyp tartyp qalyp em, jyrtqysh meni jibere saldy. Lezde jaǵaǵa shyǵyp, kóligime júgirdim. Artymnan qýa bastady, bir kezde toqtap qaldy", - deıdi er adam.
Fermer oramal men jipti qoldanyp, qan aǵýdy toqtatqan. Sosyn onyń baýyry eń jaqyn jerdegi (oqıǵa bolǵan jerden 130 shaqyrym) aýrýhanaǵa jetkizgen. Qazir ol em alyp jatyr eken.
Basty másele jaradan qaýipti bakterıalardy joıý bolǵan eken.
"Aıaǵymnyń talqany shyqty, tipti 10 kúnnen asa ony tazalap, jýyp otyrdy", - deıdi aýstralıalyq.
Osy aıda oǵan terini aýystyryp ornalastyrý otasy jasalǵan. Er adam aıaǵyndaǵy saýsaqtaryn sezetinin aıtady, dárigerler ony osy aptada aýrýhanadan shyǵady dep boljaıdy.
"Barlyǵy segiz sekýndta boldy. Eger qoltyraýyn meniń basqa jerimnen tistegende, jaǵdaı basqasha bolar edi. Bul meniń ómirimdi ózgertý kerek degen belgi. Men sol batpaqty aımaqta kóp júrdim, qorshaýlardy jóndedim, ómirimdi súre berdim. Biraq myna jaǵdaı menik kózimdi ashty", - deıdi ol.
Deveronyń aıtýynsha, ózine shabýyl jasaǵan qoltyraýynnyń kózi joıylǵan eken.