Ortalyq memlekettik mýzeıde «Naýryz naqyshtary» atty kórme ótti.
Atalǵan sharaǵa elimizdiń ár óńirinen kelgen qolónershiler qatysyp, ózderiniń eńbekterin kórsetti, dep habarlaıdy Almaty-akshamy.kz.
Olardyń arasynan, áshekeı-buıymdar, úıge arnalǵan týyndalar, keramıka, mýzykalyq aspap jáne t.b zattardy kezdestirýge bolady.
Qazaq óneriniń ón boıyndaǵy ereksheliktiń bári, órnektelgen oıýdyń árqaısysy qazaq degen uly ulttyń bar ekendigin jahanǵa jarıalap, álemge pash etip tanylatyndaı tanymdy óner desek artyq aıtqandyq emes. Alǵashynda turmystyq zattardy, kúndelikti tirshilikke qajetti buıymdardy jasaýdan bastalǵan berekeli is ulttyq ónerge jalǵasty.
Ejelden qalyptasyp, ǵasyrlar toǵysynda jańǵyra túsken kásipshiliktiń kórsetkishi joǵary, tarıhy tym tereńde.
Sonymen qatar babadan mıras bop qalǵan rýhanı qundylyqty sanamen sińirip, ónerdi óń boıyna darytyp, daryndylyǵymen daralanǵan, erekshe eptiligimen kózge túsken sheberlerdiń el ishinde qurmeti artyp, abyroıy asqaqtaı túsýde.
«Bıylǵy jyly áz-naýryz meıramy prezıdentimizdiń tapsyrmasymen erekshe toılanýda. Ulttyq merekemizdi 10 kún boıy toılaý josparlanǵan bolatyn. Osy oraıda, bizdiń ortalyq mýzeıde sheberler mer qolónerler kórmesin uıymdastyryp otyrmyz. Kez-kelgen kelýshi qazaqı naqyshta jasalǵan zattardy kórip, satyp alatyn múmkindigi bar. Bundaı buıymdar, mádenıetimizdiń tarıhyn, baılyǵyn jáne sulýlyǵyn kórsetedi. Basty maqsat – halyq arasynda qolónerdi saqtap, keńinen nasıhattap, qolónershilerdi jáne olardyń buıymdaryn kópshilikke kórsetý. Mundaı is-sharalar mádenı murany saqtaýǵa jáne dástúrli óner men qolónerge qurmetpen qaraýǵa yqpal etedi dep oılaımyn. Qolónerdiń jan-jaqty damyp kele jatqanyn da aıta ketken jón. Bul jeke tulǵa úshin praktıkalyq daǵdy ǵana emes, sonymen qatar rýhanı baıytý», - dedi QR Ortalyq memlekettik mýzeıi İshki baılanys bóliminiń basshysy Dınara Bóltirikova.