*Jalpyǵa birdeı deklarasıalaý: Qolma - qol aqshany deklarasıalaýdyń shekti somasy - 10000 AEK *
QR jáne odan tys jerlerde qolma-qol aqshanyń bolýy týraly aqparat 10 000 AEK sheginen aspaıtyn mólsherde kórsetiledi, ıaǵnı 34,5 mln.teńge. Bul týraly ÓKQ-de ótken brıfıńte Almaty qalasy boıynsha Memlekettik kirister departamenti basshysynyń orynbasary Zańǵar Shyndalı baıandady, dep habarlaıdy almaty-akshamy.kz.
“Jeke tulǵalardyń qolma-qol aqshany saqtaý rásimi nemese tásili rettelmegen. Eger jeke tulǵada qolma-qol aqsha somasy 10 000 AEK-ten asqan jaǵdaıda, 250.00-nysanda ol eń kóp degende 10 000 AEK kórsetedi, al qalǵan qarajat deklarasıaǵa engizilmeıdi. Jeke tulǵa olardy óz qalaýy boıynsha bankte nemese úıde nemese kez kelgen basqa jerde saqtaýǵa quqyly. Biraq 34,5 mıllıon teńgeden astam qolma-qol aqshany deklarasıalaý maqsatynda olardy banktegi esep aıyrysý shotyna salýǵa bolady. Eger siz kelesi jyldary iri aktıvterdi (úı, qymbat kólik) satyp alýdy josparlasańyz, bul sizge shyǵyndardyń dáleli bolady”, - dedi ol.
Jalpyǵa birdeı deklarasıalaý erejelerin túsindirý úshin 1414 biryńǵaı respýblıkalyq nómiri jumys isteıdi.
Budan basqa, jalpyǵa birdeı deklarasıalaýǵa qatysty tolyq aqparatty QR Qarjy mınıstrligi Memlekettik kirister komıtetiniń resmı saıtynan “jalpyǵa birdeı deklarasıalaý” bóliminen alýǵa bolady (kgd.gov.kz).
Sondaı-aq, áleýmettik jelilerdegi “QR jalpyǵa birdeı deklarasıalaý” Telegram kanalynda, “UNIVERSAL_DECLARATION_KZ” Instagram paraqshasynda, “QR jalpyǵa birdeı deklarasıalaý” Facebook paraqshasynda túsindiriledi.