Búgin Tótenshe jaǵdaılar mınıstrliginiń Strategıalyq josparlaý jáne jedel basqarý komandalyq ortalyǵynda «Qys mezgiliniń ótýi týraly. Avarıalyq-qutqarý jumystary» taqyrybynda brıfıń ótti, dep habarlaıdy aqshamnews.kz
İs-sharaǵa TJM Tótenshe jaǵdaılardy joıý departamentiniń bas mamany Baýyrjan Ahmetalın, TJM Azamattyq qorǵanys jáne áskerı bólimder komıtetiniń aǵa ofıseri Qýanysh Temirbekov, sondaı-aq Órtke qarsy qyzmet komıtetiniń bas mamany Aspandıar Saparǵalıev qatysty.
Baýyrjan Ahmetalın atap ótkendeı, qysqy kezeń bastalǵaly beri qutqarý bólimsheleri 517 adamǵa, onyń ishinde 72 balaǵa kómek kórsetip, olardy qar qursaýynan evakýasıalady. Sonymen qatar 113 birlik tehnıka shyǵaryldy. 19 jylytý pýnktinde 348 adam ornalastyryldy, onda ystyq tamaqpen jáne jyly zattarmen qamtamasyz etildi.
Qysqy kezeńdegi tótenshe jaǵdaılarǵa jedel den qoıý úshin sany 37,4 myń adam jáne 13,6 myń birlik tehnıka bar kúshter men quraldar daıyndaldy. Respýblıkada jedel shtab, osyndaı shtabtar elimizdiń 12 óńirinde quryldy. Halyqty yqtımal qaýipti meteorologıalyq qubylystar jáne abaısyzdyq sharalary týraly aqparattandyrý boıynsha belsendi jumys júrgizilýde.
Qys mezgilinde zardap shekken adamdarǵa kómek maqsatynda 1 548 jylytý pýnkti daıyndaldy. Sonymen qatar 40 trassalyq medısınalyq-qutqarý pýnkti de jylytý pýnktteri retinde paıdalanylatyn bolady.
Óz kezeginde aǵa ofıser Qýanysh Temirbekov jýrnalıserge TJM bastamasymen qarasha aıynyń sońynda «Muz-24» respýblıkalyq aksıasy bastalǵanyn aıtty, onyń barysynda ártúrli memlekettik vedomstvolardyń qyzmetkerleri qatysýymen reıdter ótkizildi. İs-sharaǵa 2 myńnan astam qatysty, onyń barysynda 50 myń adamǵa, onyń ishinde 30 myńǵa jýyq balyqshyǵa nusqaý berildi.
Jeltoqsan aıynyń basynda bastalǵan órt qaýipsizdigi aılyǵynyń ótýi týraly Órtke qarsy qyzmet komıtetiniń bas mamany Aspandıar Saparǵalıev aıtty. Memlekettik organdarmen jáne úkimettik emes uıymdarmen birlesip 20 myńnan astam úıdi aralaý jumysy júrgizildi, onda 74 myń adamǵa nusqaý berildi. Halyqtyń áleýmettik osal toptarynda 5 myńnan astam ıisti gaz jáne tútin dachıgi ornatyldy.
Aılyq aıasynda jańa jyldyq is-sharalardy qaýipsiz ótkizýge erekshe nazar aýdarylady. 1000-nan astam jappaı merekelik is-sharalar ótkiziletin oryndar tekserildi, sondaı-aq 127 órt-taktıkalyq jattyǵý ótkizildi. Sonymen qatar oqý oryndarynda balalarǵa, stýdentterge jáne pedagogtarǵa evakýasıalyq jattyǵýlar uıymdastyryldy.
TJM qys mezgilinde qaýipsizdik erejelerin saqtaý qajettiligi týraly eskertedi, daýyldy eskertýlerge nazar aýdaryńyz jáne aýa-raıy nasharlaǵan jaǵdaıda úıde bolyńyz! Tótenshe jaǵdaı týyndaǵan jaǵdaıda qutqarý qyzmetiniń «112» biryńǵaı nómirine qońyraý shalyńyz. Sonymen qatar qarańǵy ýaqytta jáne nashar kóringen kezde muzǵa shyǵýǵa qatań tyıym salynady, sondaı-aq balalardy eshqashan muzda qaraýsyz qaldyrmańyz!