OSK ótinish qandaı uıymdardan kelip túskenin aıtty.
Alda ótetin prezıdent saılaýynda qoǵamdyq saýalnama júrgizetin eki uıym Ortalyq saılaý komısıasyna qujattaryn tapsyrdy, dep habarlaıdy Almaty-akshamy.kz.
«7 qazanda Ortalyq saılaý komısıasyna qoǵamdyq saýalnama júrgizý úshin «Qoǵamdyq pikir» zertteý ınstıtýty («Obshestvennoe mnenıe» zertteý ınstıtýty) men AMANAT partıasynyń «Qoǵamdyq saıasat ınstıtýty» jeke menshik mekemesinen ótinish tústi», - delingen QR OSK habarlamasynda.
Ortalyq saılaý komısıasyna jiberiletin habarlamada saýalnama júrgizýge qatysatyn jáne osy salada jumys tájirıbesi bar mamandar týraly, qoǵamdyq pikirge saýalnama júrgiziletin óńirler týraly, qoldanylatyn taldaý ádisteri týraly málimetter kórsetiledi.
Sondaı-aq qoǵamdyq pikirge saýal júrgizý nátıjelerin, saılaý, saılaýǵa baılanysty ózge de zertteýler, kandıdattardy ne saıası partıalardy qoldap daýys berý nátıjeleriniń boljamdaryn daýys beriletin kúnniń aldyndaǵy bes kún ishinde jáne daýys beriletin kúni ınternet jelisinde jarıalaýǵa jol berilmeıtini habarlandy.