Búgin Jalpyulttyq sosıal-demokratıalyq partıasynan prezıdenttikke kandıdat Nurlan Áýesbaev Ortalyq saılaý komısıasyna qujattaryn ótkizdi, dep habarlaıdy Almaty-akshamy.kz QazAqparatqa silteme jasap.
Nurlan Áýesbaev OSK-niń kandıdat qujattaryn qabyldaý komısıasyna:
- jeke kýáliginiń kóshirmesin;
- respýblıkalyq qoǵamdyq birlestiktiń joǵary organy otyrysynyń QR prezıdenttigine kandıdatty usyný týraly hattamasynan úzindi kóshirme men túpnusqasyn;
- QR prezıdenttigine kandıdattyń daýysqa túsýge kelisimi týraly ótinishin;
- QR prezıdenttigine kandıdattyń ómirbaıandyq derekterin;
- QR prezıdenttigine kandıdattyń Ortalyq saılaý komısıasynyń shotyna saılaý jarnasyn engizgenin kýálandyratyn qujatyn;
- dıplomdarynyń kóshirmelerin;
- memlekettik qyzmettigi nemese saılanbaly laýazymdaǵy jumys ótili týraly málimetterin tapsyrdy.
«Kóńil-kúıim óte jaqsy. Árıne, qobaljý boldy. Qujattarymnyń bárin qabyldap aldy. Kandıdat retinde tirkelgenimdi ne tirkelmegenimdi eki kúnniń ishinde habarlaıtyn boldy. Azamattardyń 118 myńnan kóp joǵary qolyn jınaı alamyn dep senemin. Meni qoldaıtyn halyq, kúshti partıa bar. Elimizdiń patrıoty retinde Prezıdentimizdi syılaımyn. Al dodaǵa kim jeńilemin dep túsedi?! Jeńýimiz kerek!» - dedi Nurlan Áýesbaev qujattaryn tapsyrǵannan keıin BAQ ókilderiniń saýalyna oraı.