Búgingi tańda, meıramhanaǵa, toıǵa, kez kelgen is-sharaǵa jolyńyz túsip, barsańyz qolyna telefon ustap, túrli vıdeo túsirgen adamdardy kóresiz. Endi osylaı vıdeo túsirýdiń ózindik etıkasy bar. Ony birimiz bilsek, birimiz bilmeımiz. Bilsekte jeke áleýmettik jelini júrgizý maqsatynda jan-jaǵymyzdaǵy azamattardyń quqyn taptaı otyryp, ózimshildikke boı aldyryp, vıdeo túsire beremiz. Árıne, Siz úshin qolaıly bolǵanymen janyńyzdaǵy azamattar úshin birshama qolaısyzdyqtar týyndatýy múmkin. Quqyq salasy boıynsha mundaı áreketterge boı aldyrǵan adam tıisti jazasyn alýy tıis. Alaıda ázirge vıdeo túsirip, áleýmettik jelige salýshylarǵa qarsy shaǵymdanǵan adamdardy estimedik. Desek te, aldaǵy ýaqytta qaperińizde bolý úshin osy sala mamandary usynǵan erejelerge nazar aýdaryńyz.
- İs-sharany uıymdastyrýshydan, menedjerden nemese daıashydan ruqsat surańyz.
- Eger kadrǵa basqa adamdar kirip ketse, olarǵa da sizdiń sýretke túskińiz keletini týraly eskertý kerek.
- Kez kelgen jeke is-sharalarda, toı, súndet toı, týǵan kún sıaqty shara barysynda uıymdastyrýshydan mindetti túrde ruqsat surańyz.
- Negizinen meıramhana, merekelik is-shara uıymdastyrýshylar ózderi týraly heshteg qaldyrýyn suraıdy. Óıtkeni olar úshin árbir jazba mańyzdy. Desekte, janyńyzdaǵylardyń quqy eskerýińiz kerek.
Eskeretin bir jaıt, iskerlik jáne dıplomatıalyq kezdesýlerde sýretke túsýge bolmaıdy. Bul – Siz týraly durys pikir qalyptastyrmaıtyny anyq.