Memleket basshysy Joǵary Sot keńesiniń tóraǵasy Denıs Shıppti qabyldady
Prezıdentke Joǵary Sot keńesiniń byltyrǵy atqarǵan jumystarynyń qorytyndylary, sonyń ishinde sýdıalardyń iriktelýin jetildirý sharalary, sottardyń kadrlyq rezervin qalyptastyrý barysy jáne sýdıalarǵa qatysty tártiptik tájirıbeniń jaǵdaıy týraly málimet berildi, dep habarlaıdy Almaty-akshamy.kz Akorda.kz-ke silteme jasap
Denıs Shıpptiń aıtýynsha, keńestiń qyzmeti zamanaýı HR tásilderin keńinen qoldanýǵa jáne zańgerler qoǵamdastyǵy ókilderin belsendi túrde tartýǵa mán bere otyryp, ashyqtyq pen shynaıylyq qaǵıdattary boıynsha jumys isteýge negizdelgen.
Sýdıalardy irikteý kezinde olardyń kásibı jáne jeke qasıetterine shynaıy baǵa berilip, qoǵamdyq pikir jan-jaqty zertteledi.
Bul rette sońǵy jyldary byltyr alǵash ret sot júıesiniń qataryn tolyqtyrǵan sýdıalardyń sany, jumystan ketkenderden basym bolǵany baıqaldy. Osylaısha sot korpýsyna birinshi ret 103 adam taǵaıyndalyp, 90 sýdıanyń ókilettigi toqtatyldy.
Qasym-Jomart Toqaevqa sot kadrlaryn barynsha jańartýdy jáne sot júıesine tájirıbeli mamandardy tartýdy qamtamasyz etýge baǵyttalǵan jumystardyń perspektıvti baǵyttary baıandaldy. Sýdıalardy irikteý máseleleri boıynsha zańǵa engizilgen qosymshalardy iske asyrý aıasynda bıyl salalyq mamandar úshin oblystyq sottardaǵy sýdıa laýazymyna arnaıy konkýrs ótkizý josparlanyp otyr.
Keńes jumysynyń ashyqtyǵyn odan ári arttyrý maqsatymen zańgerler qoǵamdastyǵy ókilderiniń qatysýyn keńeıtý jumystary júrgizilýde.